كۆمكوژیا ئێزدیان بەردەوامە/بەختیار قادر
كۆمكوژیا ئێزدیان بەردەوامە
بەختیار قادر
پشتی بۆرینا دوو سال و نیڤان ل سەر كارەساتا ب سەرێ ئێزدیان ل شنگالێ دا هاتی ل 3/8/2014ێ ل سەر دەستێ رێكخراوا تیرۆرستیا داعشێ،كۆمكوژیا ئێزدیان هێشتا بەردەوامە و جیهان ل هەمبەر كوشتن و گرتن و ئاوارەبوون و كۆچكرنا ئێزدیان بێ دەنگ مایە.
من دڤێت ژ چەند لایان بەحسێ بەردەوامیا كۆمكوژیا ئێزدیان بكەم،ئەو ژی هێشتا ب هەزاران گرتیێن ئێزدی د دەستێ رێكخراوا تیرۆرستیا داعشێ دانە و ل گۆر پێزانینێن بەرپرسێن ئێزدی ب شێوەیەكێ گشتی ئاشكەرا دكەن كو ئەو گرتیێن ماین ل ئالیێ راستی یێ پارێزگەها مووسلێ ژلایێ تیرۆرستێن داعشێ ڤە بۆ چەند جیێن دی هاتینە ڤەگوهاستن،هەروەسا ل پێش چاڤێن جڤاكێ نێڤ دەولەتی و جیهانێ ئەو گرتی یێن تووشی نەخۆشترین نەخۆشیان ل سەر دەستێ تیرۆرستان دبن،بێ كو لڤینەكا بلەز بۆ رزگاركرنا وان بێتە كرن،دیسان هێشتا ب هەزاران ئاوارێن ئێزدی دسەخترین رەوش دا ل كەمپان دا ژیانێ دەرباز دكەن،هەروەسان چەند دەڤەرێن باشوورێ شنگالێ ددەستێ تیرۆرستێن داعشێ دا ماینە و كۆچكرنا ئێزدیان بۆ دەرڤەی وەلاتی بەردەوامە.
هەروەسان داخوازێ ژ راگەهاندكارێن ئێزدی دكەم كو ب رژدی كار ل سەر كارەساتێ بكەن و دەنگێ ئێزدیان بگەهینن جیهانێ،ژبەركو راگەهاندنێ رۆلەكێ سەرەكی هەیە بۆ بەرچاڤكرنا رەوشا ئێزدیان.
پشتی بۆرینا دوو سال و نیڤان ل سەر كارەساتا ب سەرێ ئێزدیان ل شنگالێ دا هاتی ل 3/8/2014ێ ل سەر دەستێ رێكخراوا تیرۆرستیا داعشێ،كۆمكوژیا ئێزدیان هێشتا بەردەوامە و جیهان ل هەمبەر كوشتن و گرتن و ئاوارەبوون و كۆچكرنا ئێزدیان بێ دەنگ مایە.
تعليقات