ئێزدی هەتا كەنگی دێ داخوازییان كەن؟/بەختیار قادر
بەختیار قادر
پشتی كارەساتا ب سەرێ ئێزدیان هاتی ل 3/8/2014ێ ل سەر دەستێ رێكخراوا تیرۆرستیا داعشێ،كۆمكوژی د دەرهەقێ ئێزدیان ل شنگالێ ب تایبەتی هات ئەنجامدانان و ب سەدان كەس هاتنە كوشتن و هەزارەهان هاتنە گرتن و ئاوارەكرن،هەتا نۆكە ژی پتر ژ سێ هەزارگرتییان ددەستێ داعشێ دانە و سازی و كەسایەتی و رەوشەنبیرێن ئێزدیان هەر زوو داخواز ژ حكوومەتا هەرێما كوردستانێ و عێراقێ و جڤاكێ نێڤ دەولەتی و جیهانێ كرینە وان رزگار بكەن،كو هەتا نۆكە رۆژانە یێ تووشی نەخۆشیان دبن و زارۆكان بۆ كریارێن خۆكوژیێ دئێنە بكارئینان و دەست درێژیێ ل كچ و ژنان دئێتە كرن.
پێخەمەت گەهاندنا دۆزا ئێزدیان بۆ جیهانێ،چەندەها سازی و كەسایەتی و چالاكڤان و راگەهاندكار و هەتا رزگاربوویان ژی،پشكداری دچەندین كۆنگرەیان دا كرینە و تەكەز و داخوازی ل رزگاركرنا گرتیێن ماین كرینە،بەلێ هێشتا ب هەزارەهان گرتی ددەستێ تیرۆرستان دانە و داعش یا زارۆكێن ئێزدی ل سەربازگەهێن خۆ مەشق ددەت و مێشكێ وان دشۆت بۆ ئەنجامدانا كریاران ل پێش چاڤێن هەموو جیهانێ و كچ و ژن یێ تووشی دەست درێژیا سكسی دبن ل سەر دەستێ تیرۆرستان،بێ كو پێنگاڤێن رژد بێنە كرن ل سەر ئاستێ نێڤ دەولەتی كو وان ژ دەستێ ڤان درندان قورتال بكەن،تنێ حكوومەتا هەرێما كوردستانێ و ب تایبەت جەنابێ رێزدار"نێچیرڤان بارزانی"سەرۆك وەزیرێن حكوومەتا هەرێمێ نڤیسینگەهەك بۆ كاروبارێن گرتیان ل پارێزگەها دهۆكێ ڤەكر و هەتا نۆكە سەر كارێ خۆ بەردەوامە بۆ رزگاركرنا گرتییان،ئەڤ پێنگاڤ جهێ دەست خۆشیێ یە،لەوان دڤیا ل سەر ئاستێ جیهانێ ژی كارەك وەسان هاتبا كرن.
ئیرۆ دبینم پێدڤیە ل سەر سازیێن ئێزدیان ل سەرانسەری جیهانێ خودان پەیامەك و هەلویستەكێ ئێكگرتی بن و ب ئێك دەنگ پەیاما خۆ بگەهینن،نەكو هەر ئێك دراگەهاندنێ دا تنێ بێژت ئەم داخواز دكەین فلان كار بۆ ئێزدیان بێتە كرن،بەلكو یێ نوونەراتیا هەموو ئێزدیان دكەن و دڤێت سەرەدانا جهێن شۆلەژێ بكەن و ئازارێن خۆ بگەهینێ كو پێنگاڤێن رژد بۆ ئێزدیان بێنە كرن،چنكو كێمینەیا ئێزدی قوربانیا دەستێ داعشێ یە.
پشتی كارەساتا ب سەرێ ئێزدیان هاتی ل 3/8/2014ێ ل سەر دەستێ رێكخراوا تیرۆرستیا داعشێ،كۆمكوژی د دەرهەقێ ئێزدیان ل شنگالێ ب تایبەتی هات ئەنجامدانان و ب سەدان كەس هاتنە كوشتن و هەزارەهان هاتنە گرتن و ئاوارەكرن،هەتا نۆكە ژی پتر ژ سێ هەزارگرتییان ددەستێ داعشێ دانە و سازی و كەسایەتی و رەوشەنبیرێن ئێزدیان هەر زوو داخواز ژ حكوومەتا هەرێما كوردستانێ و عێراقێ و جڤاكێ نێڤ دەولەتی و جیهانێ كرینە وان رزگار بكەن،كو هەتا نۆكە رۆژانە یێ تووشی نەخۆشیان دبن و زارۆكان بۆ كریارێن خۆكوژیێ دئێنە بكارئینان و دەست درێژیێ ل كچ و ژنان دئێتە كرن.
تعليقات