گەنجەكێ ئێزدی دبتە فرۆكەڤان ل ئەلمانیا
ئەڤرۆنیوز،كـــاروان باعەدری:
گەنجەكێ خەلكێ ناحیا باعەدرێ یا سەرب قەزا شێخان سەر پارێزگەها دهۆكێ ڤە، روونشتڤانێ ئەلمانیا یە ،دبتە فرۆكەڤان ل وی وەلاتی.
ئالان ئەكرەم خەلەف، ئەو فرۆكەڤانەیە ، بۆ ئەڤرۆنیوز گۆت، ل سالا ٢٠٠١ ێ ئەز چوومە قوتابخانێ، هەتا سالا ٢٠١٢ێ من خواندنا خۆ یا سەرەتایی بەردەوام دكر، پاشان ل سالا ٢٠١٢ هەتا سالا ٢٠١٤ێ من بەشێ ئەندازیاریا میكانیكی ل باژێرێ شتوگارتێ دخواند و ل ٢١/٢/٢٠١٧ێ من باوەرنامەیا فرۆكەڤانیێ بدەستخست و ئەز زۆر یێ كەیف خۆش و سەربلندم كو من ئەڤ باورنامە ب دەستڤەئینایی و من گەلەك خۆ وەستاندی.
گۆتژی:"ئەڤ فرۆكەیێن ئەز دكارم ل سەر كاربكەم ئەوژی فرۆكەیێن گەشتیارانە ئەوژی هەتا ٣٨٠ی كەسان دكارن هەلگرن".
ناڤهاتی،ژ دایكبوویێ ناحیا باعەدرێ یە ، نها ل باژێرێ " كۆلن"یێ وەلاتێ ئەلمانیا ئاكنجیە.
تعليقات