رێكخراوا پرا گەنجێ ئێزدی هاتە دامەزراندن
ئێزدیخان نیوز:
تەڤگەرا(SDA)رادگەهینت،كو رازەمەندی ب دەست خست بۆ دامەزراندنا رێكخراوا"پرا گەنجێ ئێزدی".
رائد حەیدەر،ئەندامێ تەڤگەرا(SDA) بۆ مالپەرێ(ئێزدیخان نیوز)گۆت:"ل ماوێ هەفتیێن داهاتی تەڤگەر دێ بەیانناما دامەزراندنا رێكخراوا "پرا گەنجێ ئێزدی" راگەهینت،ب ئامادەبوونا رەوشەنبیر و ئەكادیمیێن ئێزدی وراگەهاندن دێ ب شێوەیەكێ مەزن رۆمال كەت".
ئەو چەندە ژی رۆنكر:"ب ڤێ هەلكەفتێ تەڤگەر دێ ئارمانجێن خۆ یێن دبەرژەوەندییا جڤاكێ ئێزدی دا ب شێوەیەكێ تایبەت و مرۆڤایەتی ب شێوەیەكێ گشتی راگەهینت،یێن دیاسایێن نێڤ دەولەتی و نڤاخۆیی و جڤاكی دا".
ئاشكەراكر ژی تەڤگەر دێ دەرگەهێ ئەندامبوونێ بۆ هەموو قوتابیێن ئێزدی و دەرچوویان ڤەكەت و دێ پرۆژەیێن خۆ یێن خۆبەخش ل پرانیا دەڤەرێن ئێزدی لێ دئاكنجی ئەنجام دەتن.
تعليقات