بزانە بۆچی پەنابەرێن ئێزدی رەتكرنێ ل ئەلمانیا دستینە...ئاشكەرابوو؟
ئێزدیخان نیوز:
بەرپرسێ بەشێ رەوشەنبیری یێ بنگەهێ لالش ل ئەلمانیا ئاشكەراكر كو دنێرینا دەزگەهێت پەنابەریێ یێن ئەلمانی دا پشتی شكەستنا رێكخراوا تیرۆرستیا داعشێ،عێراق و كوردستان ئارامن و ژبەر هندێ پەنابەرێن عێراقی و كورد رەتكرنێ دستینن.
دلشاد سمۆ،بەرپرسێ بەشێ رەوشەنبیری یێ بنگەهێ لالش ل ئەلمانیا بۆ مالپەرێ(ئێزدیخان نیوز)گۆت:"هەر چەندە كو دەزگەهێن پەنابەریێ ل ئەلمانیا سەربەخۆنە و هیچ كەس یان رێكخراو نكارت فشارێ ل سەر بریارێن وان بكن،بەلێ چەند كەسا بەرێ خۆ داینە بنگەهی و ل گۆر شیانێت خۆ مە كاریە هاریكاریا وان بكەن،بۆ نمونە ئێك ژوان دگرتیگەهەكە تایبەت دا بوو دا بۆ بشینن وەلاتێ بولگاریا،مە سەرەدانا وی كر و مە بۆ وی پارێزەرەك دەست نیشانكر،هەر دوێ گرتی گەهێ دا كوردەكێ خەلكێ دەڤەرا مریبا بوو ب هەمان شێوە مە پارێزەرەك بۆ وی ژی گرت،لێ ئەو بخورتی رەوانەی بولگاریا كرن و هەتا ڤێ گاڤێ یێ ئێزدی دزیندانێ یە وچاڤەرێ بریارا دادگەهێ یە".
ئەو چەندە ژی ئاشكەراكر:"پشتی شكەستنا رێكخراوا تیرۆرستیا داعشێ ل عێراقێ و كوردستانێ،دنێرینا دەزگەهێت پەنابەریێ یێن ئەلمانی بوویە وەلاتەكێ ئارام،وەكی چەندین وەلاتێن دی و ژبەر هندێ پەنابەرێن عێراقی و كورد رەتكرنێ دستینن".
تعليقات