ساخلەمیا عێراقێ:دامەزراندن بۆ ئێزدیان دێ وەكى سالێن بۆری بت
ئێزدیخان نیوز:
ڤیان دەخیل،پەرلەمانتارا كوردا ئێزدی ل ئەنجوومەنێ نوونەرێن عێراقێ،ئیرۆ رۆژا شەمبوویێ،دگەل "عەدیلە حەمود" وەزیرا ساخلەمیا عێراقێ ل بارەگایێ وەزارەتێ ل بەغدایێ كۆمبوو.
نڤیسینگەها پەرلەمانتار" ڤیان دەخیل" دراگەهاندنەكێ دا ئاشكەراكر:"د دیدارێ دا ڤیان دەخیل ئاریشێن كەرتێ ساخلەمیێ ب تایبەت ل كەمپان دنالت گەهاندنە وەزیرێ،هەروەسا بابەتێ بنگەهێن ساخلەمیێ یێن تایبەتمەند بۆ رزگاربوویان بۆ چارەسەریا دەروونی گەنگەشەكرن و وەزیرێ سۆزدا ل سەر ڤان بنگەهان كاربكەت".
دتەوەرەكێ دی دا بابەتێ دامەزراندنا دەرچوویێن ساخلەمیێ ژ نۆژداران و نۆژدارێن ددانان و دەرمانخانا و پەیمانگەهێن ساخلەمیێ ئەوێن نكارین داخوازا دامەزراندنێ ب مامەلا ئەلكترۆنی پێشكێش بكەن هاتە گەنگەشەكرن،وەزیرێ دیاركر كو پێشكێشكرنا دامەزراندنێ نە ب ئەلكترۆنی یە بۆ ئێزدیان،بەلێ ب رێیا پێشكێشكرنا مامەلێن وان بۆ وەزارەتێ وەكی سالێن بۆری.
تعليقات