ئێزدیخان نیوز:
وەرگێرەكا ئێزدی ل ئێك بنگەهێن پەنابەریێ ل ئەلمانیا ئاشكەراكر كو پشتی كۆمكوژیا بكۆم ل دژی ئێزدیان ل شنگالێ هاتیە ئەنجامدان،ئەولەویەتا مافێ پەنابەریێ ب پەنابەرێن ئێزدی دئێتە دان.
نجبیر درباس، وەرگێرەكا ئێزدی یە ل ئێك ژ بنگەهێن پەنابەریێ ل ئەلمانیا كار دكەت،دەربارەی رەوشا پەنابەرێن ئێزدی ل ئەلمانیا بۆ مالپەرێ(ئێزدیخان نیوز)دیاركر:"ژبەر هەبوونا پەنجەمۆران ل وەلاتەكێ دی یێ ئەوروپی حالەت هەینە گیرۆ دبن،بەلێ ب شێوەیكێ گشتی رەوشا وان وەك داخوازكەرێن پەنابەریێ یێ باشە و كار زوو ل سەر رێڤەبرنا مامەلەیێن وان دئێتە كرن و زۆرینەیا وان مافێ ئاكنجیكرنێ ب دەست ڤە دئینن كو ماوێ وێ سێ سالن و ماف هەیە گشتگریێ بكن".
سەبارەت ئاریشێن پەنابەرێن ئێزدی دبێژت:"زمان و پێگیریكرن ب یاسایێن نوو و دەمێ پێشكێشكرنا مافێ پەنابەرەتیێ بۆ ئێزدیان بووینە ئاریشە،ژبەركو گەلەكان بەلگەنامێن خۆ وەك پاسپۆرتێ ژ دەست داینە و ئەو پێدڤی بەلگەنامێن رەسەنن بۆ سەلماندنێ ل سەر پشت راستبوونێ ل سەر ئاخفتنێن وان،ل ئەلمانیا باوەریێ ب بەلگەنامان دئێنن و ب شێوەیەكێ مەزن داخواز دكەن،هەروەسا ئاریشەیا زارۆكێن دبن 18سالیێ دا یێن بێ دەیك و باب ل دەمێ لگەل خووشك و برایێن خۆ بوون ئەوێن بووینە 18سال یان كەس و كارێن وان پێدڤی ب بەلگەنامێن فەرمی یێن پەسەندكری ژ جهەكێ حكوومی ل سەر نڤیسی بت كو دەیك و بابان وەسایا زارۆكان پێشكێشی خووشك وو برایێن مەزن یان كەس و كاران كریە،ئەڤە دێ گەلەك پرۆسا داخوازكرنا مافێ پەنابەریێ ئاسان كەت بۆ زارۆكان".
دەرباس ئەو چەندە ژی خویاكر:"پەنابەرێن ئێزدی داخواز دكەن زوو كار ل سەر داخوازیێن پەنابەریێ بێتە كرن،گەلەك ژ وان خێزانێن وان یان پشكەكا مەزن ژێ وەك پەنابەر ل وەلاتەكێ دی ماینە و پێدڤی ئاكنجیكرنێ نە بۆ هاریكاریكرنا هەموو خێزانێ،ئەو داخوازێ ژ ئێزدیان دكەن یێن بۆ ماوەیەكێ درێژ ماین ل ئەلمانیا هاریكار بن دگەل دا بۆ خۆ گونجاندنێ دگەل جڤاكێ ئەلمانی و ببنە ئەندامێن ئەكتیف ب شێوەیەكێ ئەرێنی دڤی جڤاكێ نوو دا ئەوێ پێشوازی لێكری و دەرگەهێ خۆ بۆ ڤەكرین".
ل دۆر ئازارێن پەنابەرێن ئێزدی گۆتژی گەلەك ژێ نكارن بخوینن و بنڤیسن،لەوا ل داویێ گەلەك ژمانێن گرنگ یێن ب رێڤە دچن ل دەمێ داخوازا پەنابەریێ ژ دەستپێكێ و هەتا داویێ دئێنە راگرتن،ئازارێن وان گەلەكن.
تعليقات