التخطي إلى المحتوى الرئيسي
بحث هذه المدونة الإلكترونية
دەنگۆیێ رزگاركرنا 75% ژئێزدیێن ل بن دەستەلاتا داعشێ راست نینە
باسنيۆز:
رێڤەبەرێ نڤێسینگەها كاروبارێن رەڤاندیان ل دهۆكێ دیاركر هەر ژ رۆژا دەستپێكرنا ئوپەراسیۆنا مووسلێ هەتا نۆكە پتر ژ 100 رەڤاندیێن كوردێن ئێزدی ژ دەستێرێكخراوا تیرۆرستێن داعش رزگاربووینە ب رێیێن هەمە جۆر یێن تایبەت ب نڤێسینگەهی ڤە.
حسێن قائێدی، رێڤەبەرێ نڤێسینگەها كاروبارێن رەڤاندیان ل دهۆكێ بۆ (باسنیوز) دیاركر، هیچ راستیەك بۆ دەنگۆی رێژا 75% ژ رزگاركرنا رەڤاندیێن كوردێن ئێزدی نینە، هەتا نۆكە پتر ژ سێ هزار كەسد دەستێن داعشێ دا ماینە ونڤیسینگەها كاروبارێن رەڤاندیان ب ریێن خوە تایبەت هەتا نۆكە پتر ژ 2800 كەسان رزگاركرنە، ژوانا ژی پتر ژ 100 رەڤاندیان هەر ژ رۆژا دەستپێكرنا ئوپەراسیۆنا مووسلێ هەتا نۆكە رزگاربووینە. ئەم بەردەوام ب ریێن خوە یێن تایبەت كاردكەین بۆ رزگاركرنا هەموو رەڤاندیان.
خۆیا ژی كر، ل دووڤ پێزانێنان تیرۆرستێن داعش هژمارەكا كەسێن رەڤاندی ڤەگوهاستینە رەقە وپشكەكا دی ژ رەڤاندیان هەتا نۆكە ل مووسلێ نە. مە نەگوتیە 75% ئێزدیێن بن دەستهەلاتا داعش رزگاربووینە ئەڤە دەنگۆیە وراست نینە.
تعليقات