سبەی رۆژەكا دیرۆكی یە بۆ ئێزدیان... دڤێت ئێزدی شانازیێ پێ ببەن
ئێزدیخان نیوز:
سبەی رۆژا سێ شەمبوویێ 13/12/2016ێ،ل دەمژمێر 11یسبێ ل دووڤ وەختێ پاریس،رێورسمێن خەلاتێ ساخروف یێ ئێكەتیا ئەوروپی دێ ئێنە گێران،كو هەر ئێك ژ رزگاربوویێن ئێزدی"نادیا موراد" و "لەمیا حەجی"دێ بەشداری رێورسمان بن.
چالاكڤانێ ئێزدی"موراد ئسماعیل"راگەهاند:"ئیرۆ رۆژا دووشەمبوویێ دێ چینە ستراسبورغ ل وەلاتێ فەرەنسا بۆ پشكداریكرنێ ل رێورسمێن خەلاتێ ساخروف یێ ئێكەتیا ئەوروپی یێ ئازادیا هزری ب بەشدارییا "نادیا موراد" و "لەمیا حەجی" سبەی دێ ئێنە گێران".
گۆتژی سبەی رۆژەكا دیرۆكی یە بۆ ئێزدیان و هەموو قوربانیێن كۆمكوژییا ئێزدیان.
ئەو ژی رۆنكر،دڤێت ئێزدی شانازیێ ببەن،ژبەركو ئەو رادەست نەبوون بۆ تیرۆرێ و جیهان ئیرۆ رێزێ ل ڤێ وێرەكیێ دگرت.
خەلاتێ ساخروف دووەم مەزنترین خەلاتە ل جیهانێ پشتی نۆبل و مەزنترین خەلاتە ل ئێكەتیا ئەوروپی،پێشتر"نیلسون مندیلا" و "ملالا یوسف" ئەڤ خەلات وەرگرتبوون.
تعليقات