ئه‌ره‌بێن خه‌مر ل جهێ كوردێن ئێزدی بجه دبن
ك24 – سه‌رێ كانیێ
وه‌كی كۆچبه‌ریا فرنده‌یان، نشته‌جهێن 12 گوندێن ئێزدیان ل ده‌ردۆرا باژارێ سه‌رێ كانیێ ژ به‌ر گه‌فا ئێریشێن داعشێ و هه‌ڤالبه‌ندێن وێ، به‌ر ب وه‌لاتێن بیانی ڤه كۆچبه‌ر بوون.
ل گوندێ جانته‌مر یێ كوردێن ئێزدی كو دكه‌ڤه سه‌ر سینۆرێ تركیێ،ژ 20 مالێن ئێزدیان پێك تێ، ته‌نێ ژنه‌ك ل شوونواران مایه.
ژ بلی مه‌ترسیا ئێریشێن داعشێ ب سه‌ر گوندێن ئێزدیان ده، ژ ئالیێ رێژێما به‌عس ڤه گه‌له‌ك زۆرداری ل وان هاتبوو كرن، كو ژ به‌ری 40 سالی ڤه 2 هه‌زار و 500 دۆنم ئەرد ژ جۆتكارێن ئێزدیا هاتن ستاندن و ل سه‌ر ئە‌ره‌بێن خه‌مه‌ر هاتن به‌لاڤ كرن.
د دیرۆكا ئێزدیان ده74 فه‌رمان ب سه‌ر وان ده هاتن ل گۆری ئێزدیێن ده‌ڤه‌رێ دبێژن،ئەو ژ ئاشتیێ هه‌ز دكن و سه‌ده‌مێن كۆچبه‌ریا وان مه‌ترسیا دووباره‌كرنا ئەزموونا شنگالێ ژ ئالیێ داعشێ ڤه، نه‌مازه كو گوندێن ئێزدیان ل ده‌ڤه‌را سه‌رێ كانیێ ل سه‌ر سینۆرێ تركیێ نه و مه‌ترسی هه‌یه چه‌كدارێن داشێ ده‌رباسی رۆژئاڤا ببن.
تعليقات