حوكمەتا عێراقێ بەرهەڤ نینە بۆ ڤەگەراندنا ئاوارێن سنوونێ
ئێزديخان نيوز:
رێڤەبەرێ ناحیا سنوونێ دیاركر حوكمەتا عیراقێ بەرهەڤ نینە بۆ ڤەگەراندنا ئاوارێن دەڤەرا سنوونێ، هەر ژ سالا 2014 هەتا نوكە حوكمەتا عیراقێ بۆدجەیا سنوونێ نە مەزاختیە هەتا بشێن پرۆژەیێن خزمەتگوزاری پێ دروست بكەن جارەكا دی خەلك ڤەگەرنە دەڤەری.
نایف سەیدۆ، رێڤەبەرێ ناحیا سنوونێ بۆ ( باسنیوز) دیاركر پتر ژ حەفت هزار خێزانێن ئاوارە یێن ڤەگەرینە دەڤەرا سنوونێ، حوكمەتا عیراقێ چوو هاریكاریا وان ناكەت. نوكە ئەم بەرەڤ وەرزێ زڤستانێ دچن، ئاواران پێدڤی پێداویستین زڤستانی نە. مخابن بەغدا یا بێدەنگە ئێك خێڤەت ژێ دابین نەكریە بۆ ڤەگەراندنا ئاواران. ب چوو شیوەیەكێ نە یا هەڤكارە بۆ ڤەگەراندنا ئاواران، ئەم داخوازی دكەن بریارا پارێزگەه بوونا شنگال بهێتە راگەهاندن و سەر هەرێما كوردستانێ ڤە بیت.
گۆتژی، خەلكێ هیڤی و ئومید ب عیراقێ نەماینە چونكو شنگال تووشی مەزنترین كارەساتا بووی د چەرخێ 21 ێ دا حوكمەتا عیراقێ بێدەنگی هەلبژارتن ئەڤە یەكی خەلك پالڤەدان قەستا كوچبەری بكەن بچنە وەلاتین ئوروپی.
نایف سەیدو خۆیا ژێ كر پشتەڤانیا حكومەتا هەرێما كوردستانێ و دەزگەهێن خێرخوازی چەندین پرۆژە هاتینە بجه ئێنانا بۆ ڤەگەراندنا ئاواران، ئەم داخوازی دكەین بۆدجەكا باش بۆ ئاڤەدانیا دەڤەری بهێتە دابینكرن و دەولەتێن زلهیز جیهانی و رێكخراوێن نێڤ دەولەتی هەڤكاریا دارایی هەرێما كوردستانێ بكە ن بۆ ئاڤەدانیا سنوونێ و شنگال و هەموو دەڤەرێن دێ هاتێنە رزگاركرن.
تعليقات