ل رۆژا دووێ یا جەژنا جەمایێ ل پەرستگەها لالش پێشوازی ل ژمارەكا رزگاربوویان هاتە كرن
ئێزدیخان نیوز:
ئیرۆ 7/10/2016ێ ل رۆژا دووێ یا جەژنا جەمایێ ل پەرستگەها پیرۆزا لالش،پێشوازی ل ژمارەكا رزگاربوویان ژ دەستێ داعش هاتە كرن و چەند شاندێن بیانی سەرەدانا پەرستگەهێ كرن.
لوقمان سلێمان،بەرپرسێ راگەهاندنا بنگەهێ لالش دراگەهاندنەكێ دە دیاركر:كو ل رۆژا دووێ یا جەژنا جەمایێ ل پەرستگەها پیرۆزا لالش،پێشوازی ل ژمارەكا رزگاربوویان ژ دەستێ داعش هاتە كرن،هەروەسا شاندەكێ ئێزدی ژ وەلاتێ سووریا ب سەرۆكاتیا "بەشیرە دەروێش"ئەنداما مالا ئێزدیان و شاندەكێ كەنەدی و بریتانی و ئەلمانیاورۆژنامەڤانەكێ فەرەنسی وئەمریكی و كەنالێن(وار،زاگروس،كوردستان،رێگا،تەلەفزیۆنا فەرەنسی 5)و رۆژنامەڤان"ئەلیزا كوردغی"سەرەدانا پەرستگەهێ كرن.
دوهی رۆژا پێنج شەمبوویێ 6/10 ئێكەم رۆژا جەژنا جەمایێ بوو،كو هەتا رێككەفتی 13ی ڤێ هەیڤێ دێ یا بەر دەوام بت،ل دووڤ بریارا جڤاتا رۆحانیا ئێزدیان ئەڤ سالە رێورسمێن جەژنێ نائێنە گێران و تنێ خەلك سەرەدانا پەرستگەهێ دكت.
هەر ب ڤێ هەلكەفتێ بۆ ماوێ هەفتیەكێ بۆ فەرمانبەرێن ئێزدی ل هەرێما كوردستانێ بێنڤەدانا فەرمی یە.
تعليقات