سبەی فه‌رمانێن ئێزديان دێ ل برۆكسل ئێنە نیشاندان
ئێزدیخان نیوز:
سبەی رۆژا چارشەمبوویێ 12/10/2016ێ،پێشانگەهەك ب ناڤێ(رۆژا رەش)كو ل سەر دۆزا ئێزدیان و فەرمانێن ب سەرێ گەلێ ئێزدی دە هاتین ل درێژاهیا دیرۆكێ،دێ ل هۆلا ئێكەتیا ئەوروپی ل برۆكسل ئێتە ڤەكرن و نیشاندان و سێ شێوەكارێن ئێزدی تێدا پشكدارن.
شێوەكار"قاسم ئەلشەرقی"بۆ مالپەرێ (ئێزدیخان نیوز)گۆت:"دپێشانگەها (رۆژا رەش) دا شێوەكار"رفوئۆسمان" دێ ب تابلۆیەكێ پشكداریێ كەت و ئەو تابلۆ ژ هەشت تابلۆیان ل سەر رۆژا فەرمانێ یا ب سەرێ ئێزدیان هاتی ل 3ئابا 2014ێ ل شنگالێ،هەروەسا شێوەكار"مسافر قاسم"دێ ب چەند تابلۆیێن خۆ بەشداریێ كەت،دیسان ئەز ژی دێ ب چەند تابلۆیان ل سەر پاشەرۆژا ئێزدیان و ئەگەرێن كارەساتێ پشكدار بم".
تعليقات