سەماحەتا بابا شێخ بەرەف ئەمریكا ب رێكەفت
ئێزدیخان نیوز:
سەماحەتا"بابا شێخ"سەرۆكێ جڤاتا رۆحانیا ئێزدیان،ئیرۆ رۆژا سێ شەمبوویێ بەرەف ویلایەتیێن ئێكگرتیێن ئەمریكا ب رێكەفت بۆ ئامادەبوونێ ل رێورسمێن فەرمی یێن دەست نیشانكرنا چالاكڤانا ئێزدی"نادیا موراد"وەك بالیۆزا نیازپاكیێ یا نەتەوەیێن ئێكگرتی.
هادی بابا شێخ،بەرپرسێ نڤیسینگەها راگەهاندنا سەماحەتا"بابا شێخ" دراگەهاندنەكێ دە ئاشكەراكر:ئیرۆ بۆ ئامادەبوونێ ل رێورسمێن فەرمی یێن دەست نیشانكرنا چالاكڤانا ئێزدی"نادیا موراد"وەك بالیۆزا نیازپاكیێ یا نەتەوەیێن ئێكگرتی، سەماحەتا"بابا شێخ" بەرەف ویلایەتیێن ئێكگرتیێن ئەمریكا ب رێكەفت،كو رێورسم ل بارەگایێ نەتەوەیێن ئێكگرتی ب ئامادەبوونا"بان كی مۆن"ئەمیندارێ گشتی یێ نەتەوەیێن ئێكگرتی و نوونەرێن وەلاتێن جیهانێ و كەسایەتیێن سیاسی و جیهانی دێ ئێنە گێران.
