التخطي إلى المحتوى الرئيسي
بحث هذه المدونة الإلكترونية
ئێزدی دێ ب فەرمی هەلویستێ خۆ ژ فلمێ رەشەبا راگەهینن
ئێزدیخان نیوز:
ئیرۆ 10/9/2016ێ،د داخویانیەكێ دا بۆ نووچەیێن ئێزدیخانێ ل كەنالێ زاگرۆس"كەریم سلێمان"شێوەردارێ جڤاتا رۆحانیا ئێزدیان راگەهاند،ئەم نە لگەل هەر فلمەكی یان كارەكێ رەوشەنبیری نە بتە ئەگەرێ تێكچوونا پەیوەندییان دناڤبەرا كوردێن ئێزدی و كوردێن بوسلمان دا.
شێوەردارێ جڤاتا رۆحانیا ئێزدیان ئاشكەراكر:"كو جڤاتا رۆحانیا ئێزدیان ل پەرستگەها لالش لگەل دەرهێنەر و ستافێ كاری كۆمبوو،هنگێ ژ وی وەختی ڤە هزرا كاری مە رەتكر كو نە دخزمەتا ئێزدیان دا بوو و راستیێ نابێژت،راستی ئەوە ئەم ب هەموو شەرەفێ رێزێ و پێشوازیێ ل هەر گرتیەكی دكەین ژ دەستێ رێكخراوا داعش یا تیرۆرستی قورتالبت،پتری پێنج هەزار گرتییان كەفتنە دەستێ داعشێ دا و بریارەكا فەرمی ژ جڤاتا رۆحانیا ئێزدیان هاتە دەركرن كو پێشوازی ل هەموو رزگاربوویان دئێتە كرن و ئەو حەلالن ل ئاینێ ئێزدیان دا".
سلێمان ئاماژەكر:"دفلمێ رەشەبا دە هندەك گرتە راست و دروست نینن و بەری ڤیستەڤالێ ب چەند رۆژان ل ئاڤاهیێ دەستەیا بلندا بنگەهێ لالش لد هۆكێ كۆمبوون هاتە كرن ب ئامادەبوونا رێڤەبەرێ گشتی یێ رەوشەنبیری ل پارێزگەها دهۆكێ و دەرهێنەرێ فلمی و ستافێ فلمی،سۆزدان پارچە و گرتەیێن نەراست ژێببەن و رێڤەبەرێ گشتی یێ رەوشەنبیری لگەل ژێبرنا وان بوو،پشتی پیشاندانا فلمی ئەو پارچەنە نەهاتنە ژێبرن و برینا ئێزدیان كورتركر و تشتێن نەراست پیشاندان".
ب ئاخفتنا شێوەردارێ جڤاتا رۆحانیا ئێزدیان،كو كۆمبوونەك دناڤبەرا جڤاتا رۆحانی و بنگەهێ لالش و ژمارەكا رەوشەنبیرێن ئێزدیان دا دێ هەبت و دێ هەلویستەكێ فەرمی ژ فلمی دێ راگەهینن و دێ گەهیننە سەرۆكێ حكوومەتا هەرێما كوردستانێ و وەزارەتا رەوشەنبیری.
دئاخفتنا خۆدا دیاركر:كو بەیاننامەیەك ژبال جێگرێ میرێ ئێزدیان و دەستەیا بلندا بنگەهێ لالش ل دهۆكێ هاتینە دەركرن و گۆت:"سەرۆك بارزانی هەردەم دبێژت كچێن ئێزدیان شەرەفا كورد و كوردستانێ هەموویێ نە و ئەو هێمایێ شەرەفا كوردی نە".
راگەهاندژی كو هەموو دیدەڤانن ل سەر پێشوازیكرنا رزگاربوویان ل پەرستگەها لالش و گەلەك گەنجێن ئێزدیان هەڤژینی لگەل رزگاربوویان پێكئینایە،ئەوێن ژ دەستێ رێكخراوا توندرەو ڤە قورتال بووین.
كەرێم سلێمان تەكەست كر كو ئەم داخوازێ دكەین فلم بێتە سەكناندن هەكە مەزاختنێن وی ملیۆن یان پێنج یان دەه مەلایین دۆلار بن ئەو نەیا گرنگە،یا گرنگ ئەوە فلم بێتە سەكناندن ئەوێ راستیێ بەروڤاژی دكەتن.
