قاسم شه‌شو:چاڤەرێ فەرمانا سەرۆک بارزانی نه بۆ رزگارکرنا ھەموو گوند و کۆمەلگەھێن شنگالێ
ئێزديخان نيوز:
فەرماندێ فەرماندا شنگال یا پێشمەرگەی کوردستانێ دیارکر تیرۆرستێن داعش بەردەوام یێ بەرەڤ سوریا رەڤن و پارێزگەھا مووسل بجە دھێلن، دووڤ پیزانینان ژی تیرۆرستێن داعش یێن بیانی نەماینە، ئەم چاڤەری فەرمانا سەرۆک بارزانی دکە ن بۆ رزگارکرنا ھەموو گۆند و کومەلگەھیێن دەڤەرا شنگالێ.
قاسم شەشو فەرماندێ فەرماندا شنگال یا پێشمەرگەی کوردستانێ بۆ ( باسنیوز) دیارکر ھەموو بەرھەڤی و حازری ھاتینە کرن بۆ رزگارکرنا ھەموو دەڤەران ھەر دەمێ سەرۆک بارزانی فەرمانی بدەت دێ ئیکسەر ھەموو دەڤەر ھێنە رزگارکرن و پارێزگەھا مووسل ب تەمامی دێ ھێتە دوورپێچکرن ، نوکە ریێا بەعاج بۆ سوریا مایە بەردەوام تیرۆرست یێ ژ مووسل رەڤن و رێ یا بەعاج را چنە سوریا.
زێدەتر گۆتژی:" دەمێ پێشمەرگەی کوردستانێ ھیرشی دکەت چوو تشت خوە ل بەر سێنگی پێشمەرگەی ناگرت، راستی ژێ ئوپەراسیونا ئەڤرۆ ١٤/٨/٢٠١٦ ب سەرپەرشتیا سەرۆک بارزانی ھاتیە ئەنجامدان ترسەکا گەلەک مەزن بۆ تیرۆرستان دروستکریە بەردەوام یێ ریێا بەعاج را بەرەڤ سوریا دچن.
