میر داسن فاروق بەگ:بەغدا خەلکێ سپایکەر قەرەبووکرن و یێ شنگال ھێلان
ئێزديخان نيوز:
کەسایەتیەکی ژ بنەمالا میرێن ئێزدیان دیار کر کو پێدڤیە حوکمەتا عیراقێ وەکو سپایکەرێ سەرەدەریێ دگەل ھەموو پێکھاتێن عیراقێ بکەت، یێن ل سەر دەستێن رێکخراوا تیرۆرستی یا داعش ھاتینە شەھیدکرن و بێ سەرووشوونکرن ، جھێ حێبەتیێ یە ئەڤە پتری دو سالانە حوکمەتا عیراقێ بۆ خەلکێ شنگال چو نەکریە ئەڤە د دەمەکی دایە خەلکێ سپایکەر قەرەبووکرن و تاوانبار ژی سێدارەدان".
میر داسن فارووق بەگ، ژ بنەمالا میرێن ئێزدیان دیار کر کو عیراقێ بۆ ھەر خێزانەکا کەسوکارێن وان سپایکەر دا ھاتینە کوشتن 10 ملیۆن دینار دانێ وەکو قەرەبووکرن ، پێدڤیە ئەڤ بڕیارا حوکمەتا عیراقێ ژ ھەموو پێکھاتێن زەرەرمەندێن عیراقێ بگریت، چونکی ئێزدی زەرمەندێن ئێکی نە د عیراقێ دا و ھەتا نوکە چارەنڤیسێ ھزارەھا کەسان یێ دیار نینە و ھەتا نوکە ئێک خێزانا ئێزدی نەھاتیە قەرەبووکرن ژبەر ڤێ چەندێ پێدڤیە حوکمەتا عیراقێ 10 ملیۆن دیناران بۆ کەسوکارێن وان وەلاتیێن ل سەر دەستێن تیرۆرستان ل شنگال و رەبیعە و زومار و سنوونێ و مەخموور و ھەموو دەڤەرین دێ کوردستانێ ھاتینە شەھیدکرن تەرخان بکەت".
ژێده‌ر:باسنيۆز
