لێبۆرینا گشتی ژ كەسێن ب تاوانا سەبیكرنێ ڕابووین ناگرت
ئێزدیخان نیوز:
ڤیان دەخیل،پەرلەمانتارا ئێزدی ل ئەنجوومەنێ نوونەرێن عێراقێ،دوهی 25/8/2016، دبەیاننامەیەكێ دا راگەهاند، لژنا یاسایی رازیبوو ل سەر زێدەكرنا برگەیا نە ژێگرتنا وان كەسێن ڕابووین ب تاوانا سەبیكرنێ ژ لێبۆرینا گشتی.
دەقێ بەیاننامێ:
یاسایا لێبۆرینا گشتی ژبلی تاوانێن سەبیكرنێ
دجڤاتا نوونەران دا دەنگ هاتەدان ل سەر یاسایا لێبۆرینا گشتی ،گرنگترین پێنگاڤ ئەز دبینم دڤێ یاسایێ دا پشتی كو من داخوازی پێشكێشكری بۆ لژنا یاسای ژبۆ زێدەكرنا بڕگەیەكا زۆر گرنگ ئەو ژی نە ژێگرتنا وان كەسێن ڕابووین ب تاوانا سەبیكرنێ ژ لێبۆرینێ،پشتی چەند كۆمبوونا دگەل لژنا یاسای ئەندامێن لژنێ ڕازیبوون ل سەر زێدەكرنا ڤێ بڕگەیا یاسا ژێ ناگرت.
بەندا شەشیێ:تاوانێن بازرگانیكرنێ ب مرۆڤان راستڤەكرنا پێشنیارەكێ تاوانێن بازرگانیكرنێ ب مرۆڤان و هەموو ئەو تشتێن دئێنە ئەنجامدان ل بن ناڤێ سەبیكرنێ ل گۆڕەی وی زاراڤێ تێتە بكارئینان ل نك گرۆپێن تیرۆرستی و كافركرنێ.
ئەڤە سەركەفتنە بۆ زوولما ل مە هاتیە كرن و دڤێت ئێك تاوانبار نێتە لێبۆرین كو رابووی ب سەبیكرنا ژنێن مە.
