لژنەكا حكوومی دێ ئێتە پێكئینان بۆ سەرەدەریكرنا حكوومەتێ لگەل جینۆسایدا ئێزدیان
ئێزدیخان نیوز:
پەرلەمانتارا ئێزدی"ڤیان دەخیل" ئەنداما ئەنجوومەنێ نوونەرێن عێراقێ دبەیاننامەیەكێ دا راگەهاند،كار یێ دئێتە كرن بۆ پێكئینانا لژنەكا حكوومی ژ جهێن تایبەتمەند،ژبۆ چاوانیا سەرەدەریكرنا حكوومەتێ لگەل كۆمكوژیا بكۆم یا ب سەرێ ئێزدیان دا هاتی.
دبەیاننامێ دا،پەرلەمانتارا ئێزدی ئاماژەكریە كو هەتا نۆكە عێراق نەئەندامە دپەیمانا رۆما دا،لەوا دادگەها تاوانێن نێڤ دەولەتی نكارت كار ل سەر ڤێ دۆزی بكەتن،هیڤی خوازین حكوومەتا عێراقێ بەرسڤا ڤێ داخوازیێ بدەتن.
دایە زانین پێشتر داخوازیەك دڤی واری دا پێشكێشی پەرلەمان و حكوومەتێ هاتیە كرن،زێدەباری داخوازیا ژمارەكا مەزن ژ ئەندامێن ئەنجوومەنێ نوونەرێن عێراقێ بۆ چوونا عێراقێ دناڤ پەیمانا رۆما دا.
هەروەسا ئاماژەكریە،كو ئەم پێدڤی ب هەڤگرتنا هەموو ئالیێن نێڤ دەولەتی و ناڤخۆیی و گەلاینە لگەل مەدا،سەرێ وان حكوومەتا عێراقێ.
