کەسەک 264 گرتيێن ئێزدی ژ دەستێ تیرۆرستێن داعشێ رزگار دکەت
ئێزديخان نيوز:
خیرخوازەکێ رزگارکرنا رەڤاندیێن ئێزدیان ژ دەستێ تیرۆرستێن داعشێ، دیارکر ھەر ژ رۆژا تیرۆرستێن داعش کچ وژن و زارۆیێن ئێزدیان رەڤاندیێن ھەتا نوکە 264 کەسێن رەڤاندی رزگارکرینە ژ دەستێ ریکخراوا تیرۆرستێ داعش، گەلەک جاران ھەڤالێن مە کەڤتینە کەمینین تیرۆرستاندا یێن ھاتینە بیێ سەروشینکرن.
عەبدولڵا عەباس، خیرخوازەکێ رزگارکرنا رەڤاندیێن ئێزدیان ژ دەستێ تیرۆرستێن داعشێ بۆ (باسنیوز) دیارکر: "ھەر کەسەکێ بکەڤتە کەمینێن تیرۆرستان دا دێ ھێتە کوشتن و بیێ سەروشینکرن ھەتا نوکە گەلەک جاران کچ و ژن وزارۆ مە رزگارکرینە لێ ب رێکێ ڤە یێن کەڤتینە کەمینێن تیرۆرستێن داعشێ دا یێن ھاتێنە بیێ سەروشینکرن وپتریا رەڤاندیان ل سوریا ب ریێن خوە تایبەت مە رزگارکرینە".
ئەڤ خیرخوازەکێ رزگارکرنا رەڤاندیێن ئێزدیان، زێدەتر گۆتژی: "264 کەسێن رەڤاندیێن پتریا وان ژ سوریا مە رزگارکرینە لێ نوکە کاری رزگارکرنا رەڤاندیان زەحمەت بوویە ژبەرکو تێرورستێن داعش چاڤدیریەکا چر و دژوار دانایە سەر رەڤاندیان".
