رێورەسمێن ڤەشارتنا تەرمێ خۆبه‌خشه‌كێ ئەمریكی ل گۆرستانا شەرفەدین
ئێزدیخان نیوز:
وەلاتیێ ئەمریكی"مستر لی"ژ ئەمریكا قەستا هەرێما كوردستانێ كرو بۆ ماوەیێ چەند هەیڤان خۆبەخشانە ل ناڤ هێزێن پێشمەرگەی دا كاركر و هاریكاریا ئاوارێن ئێزدی ژی كریە،ژ نشكەكێ ڤە گیانێ خۆ ژ دەست دا،ئیرۆ درێورەسمەكێ دا ل گۆرستانا مەزارگەهێ شەرفەدین ل شنگالێ هاتە ڤەشارتن.
راگەهاندنا فەرماندا شنگال یا پێشمەرگەیێ كوردستانێ دیاركر:"ل سەر داخوازا"قاسم شەشۆ فەرماندێ فەرماندا شنگال"ئیرۆ 21تەموزا 2016،ب ئامادەبوونا پێشمەرگەیێن فەرماندا شنگال و كارگێرێن لقێ 17یێ پارتی و چەند كەسایەتیێن مەسیحی ل دەڤەرێ و خەلكێ شنگالێ،درێورەسمەكێ دا تەرمێ وەلاتیێ ئەمریكی"مستر لی" ل ناڤ گۆرێت جانگۆریا ل مەزارگەهێ شەرفەدین هاتە ڤەشارتن".
ڤی وەلاتیێ ئەمریكی دوەسیەتا خۆدا نڤیسی بوو دەمێ دمرت ل ئەردێ ئێزدیان بێتە ڤەشارتن دا هەر دەم لگەل وان بت.
