تراژیدیا شنگالێ دێ ل ئەلمانیا ئێتە نیشاندان
ئێزدیخان نیوز:سالار فائز/ئەلمانیا
ب هەلكەفتا بۆرینا دوو سالان ب سەر كارەساتا شنگالێ را، كۆما 74 دێ ڤێ بیرەوەریێ ب چەندین كار و چالاكیێن هۆنەری،ل باژێرێ بیلیفیلد ل ئەلمانیا ساخ كەتن.
دڤان چالاكیێن كۆما 74پێ رادبت كو ل رێككەفتی 30/7/2016 دێ ئێنە ئەنجامدان، چەند كار و چالاكیێن هۆنەری یێن جۆراوجۆرن وەك گێرانا چەند شانۆیێن تراژیدی و هەلبەستێن غەمگین و پر كۆڤان و چەند ئستران ژی هەر ب وی رەنگی،كو ئارمانج ژێ نیشاندانا ئێش و ئازارێن ئێزدیانە بۆ خەلكێ.
كۆما74 پێك هاتیە ژ كور و كچێن ئێزدیخانێ و هاتیە دامەزراندن پشتی كارەساتێ بۆ دیاركرنا ئێش و ئازارێن مللەتێ ئێزدی ب رێا شانۆیێ و كورتە فلمان.
