سەرۆكێ بنگەهێ لالش هۆزانڤان حەسەنكو ئەلهەسكانی خەلاتكر
ئێزديخان نيوز:
ب مەرەما خەلاتكرن و پیرۆزباهیكرنێ،"شێخ شامۆ" سەرۆكێ دەستەیا بلندا بنگەهێ لالش،ئیرۆ 14/7/2016،سەرەدانا هۆزانڤان "حەسەن حسێن" یێ ناڤدار ب "حسنكو ئەلهسكانی"ل كەمپا خانكێ كر وراگەهاند دڤێت مللەتێ مە مفای ژ شیانێن گەنجان بكت ولێ خوەیی دەركەفت.
دڤێ سەرەدانێ دا،سەرۆكێ دەستەیا بلندا بنگەهێ لالش پیرۆزباهی ل هۆزانڤانێ ناڤهاتی كر ودەست خۆشی لێكر ل سەر ئاستێ پێشكێشكری وخەلاتكر و هیڤیا پێشكەفتنێ وسەركەفتنێ ژێرا خواست و گۆت:"دڤێت مللەتێ مە مفای ژ شیانێن گەنجان بكت ولێ خوەیی دەركەفت و پاشەرۆژا گەنجایە و چاوا مە پاشەرۆژەك گەش هەیە دوێ پاشەرۆژی دا گەنج و قوتابیێن مە دێ رۆلێ خۆ ببینە و بەهرەمەند دێ ب بەهرەمەندیا خۆ خزمەتا خەلك و مللەتێ خۆ كن".
ژلایەكێ دیڤە"شێخ شامۆ"پشتەڤانی و ئامادەیا خۆ نیشان دا ودیاركر بۆ وی و هەر كەسەكێ بكارت خزمەتەكێ بكت بۆ تەخا گەنجان.
هۆزانڤان"حەسەن حسێن" ئێك ژ وان بەهرەمەندێن ئێزدی بوو یێن پشكداری دبەرنامێ شەیدا كرین و كاری پلا ئێكێ ب دەست خۆ ڤە بینت،پشتی پشتەڤانیا جەماوەری و سەركەفتنا كەیفەك خستە ناڤ جەماوەر و خەلكێ كۆمەلگەها خانكێ و كوردێن ئێزدی دا.
ژێده‌ر:تۆرا لالش یا راگەهاندنێ
