ئێزديخان نيوز: رێڤه‌به‌ری گشتی یێ ساخله‌میا ل پارێزگه‌ها دهۆكێ ب وه‌كاله‌ت دیاركر كو هه‌تا نوكه 790 ئافره‌ت وكچێن قورتالبووی ژ ده‌ستێ تیرۆرستێن داعش هاتینه تۆماركرن وچاره‌سه‌ریا جه‌سته‌یێ و ده‌روونی وه‌رگرن.
د. هشیار موسێ، رێڤه‌به‌رێ گشتیی یێ ساخله‌میا ل پارێزگه‌ها دهۆكێ بۆ ( باسنیوز) دیاركر هه‌ر ژ ده‌ستپێكا قورتالبوونا ئافره‌ت و كچان ژ ده‌ستێ تیرۆرستێن داعش ل ئه‌یلولا سالا 2014 رێڤه‌به‌ریا گشتی ساخله‌میا دهۆكێ خوه به‌رهه‌ڤكر وپلان دانان ژ بو دروستكرنا تورا پاراستنا قورتالبوویا و دروستكرنا سه‌نته‌ره‌كێ چاره‌سه‌رێ و پشته‌ڤانیا قورتالبویێن ئافره‌ت و كچێن ژ ده‌ستێن تیرۆرستان رزگار دبن.
زێده‌تر گۆتژی: " ئه‌ركێ سه‌نته‌رێ ئه‌وه ده‌ستنێشانكرن و هه‌لسه‌نگاندنا قورتالبوویا و ره‌وانه‌كرنا وانه بۆ ڤی سه‌نته‌ری ب مه‌ره‌ما چاره‌سه‌ریا جه‌سته‌یێ و ده‌روونی و ڤاكسێندانێ دژی نه‌خۆشیا ل ده‌مێ پێدڤێ دبنی".
