UN هێشتا هاریكاریەكا مادی ب سەر ئاوارێن باعەدرێ دا بەلاڤ نەكریە
ئێزدیخان نیوز:
ئەندامەكێ لژنا ئاوارەیان ل ناوچەیا باعەدرێ ئاشكەرا دكەت،كو "یوئێن"ل هەموو جهان 250دۆلار ب سەر هەر خێزانەكا ئاوارە دا بەلاڤكرن،بەلێ هەتا نۆكە ئەو هاریكاریا مادی نەدایە وان ئاوارێن دكاڤلان دا ل باعەدرێ دژین،كو ژمارا وان 1100خێزانن.
حسێن حاجی،بۆ مالپەرێ ئێزدیخان نیوز دیاركر:ئەڤ ئاوارنە یێ ل چاڤەرێ وەرگرتنا ڤێ هاریكاریا مادی ژلایێ "یوئێن" ڤە كو تنێ نەدایا وانە،ئاوارە ژی دخوازن وەك ئاوارێن هەر دەڤەرەكا دی ئەڤ هاریكاری ل سەر وان ژی بێتە بەلاڤكرن.
ل دەمێ هێرشا تیرۆرستێن داعشێ بۆ سەر دەڤەرێن باشیك و شنگالێ ب هەزاران ئاوارێن وان دەڤەران قەستا هەرێما كوردستانێ كرن،كو پتر ژ هەزار ژ وان ئاوارەیان نۆكە دكاڤلان دا ل ناوچەیا باعەدرێ دژین و ژیانا خۆ دبەنە سەری.
