ئێزدی داخوازا رۆنكرنەكێ ژ بان كی مۆن دكەن
ئێزدیخان نیوز:
رێڤەبەرێ گشتیێ كاروبارێن ئێزدیان رەخنەیێن دژوار ل بان كی مون سكرتێرێ گشتیێ نەتەوەیێن ئێكگرتی گرتن و داخوازا رۆنكرنەكێ ژێ دئێتە كرن ل سەر وێ داخویانیا تێدا راگەهاندی كو جڤاكیێ ئێزدی ل عێراقێ 45 ملیۆن دۆلار وەكو فدیە یێن داینە رێكخراوا تیرۆرستیا داعش بۆ رزگاركرنا كچ وژنێن ئێزدی.
خێری بۆزانی راگەهاند، سوپاس بۆ باری!جارەكا دی ئێزدی ل بیرا تە هاتن بەلێ چەوا ! ئەم بێژین هەموو چین و توێژێن یێن فەرمی و نە فەرمی و ئەهلی داخواز ژێ هاتە كرن هاوارا ئێزدیان بهێن بەرامبەر وان تاوانێن بەرامبەر جڤاكێ ئێزدیان هاتینە كرن ژ كوشتنێ و سەربرینێ و بێی سەروشینكرێ و رەڤاندنێ هەروەسا تو دلگرانی بەرامبەر پێكهاتان ئەرێ تو دزانی رێكخراوا تیرۆرستیا داعش پتر ژ 6389 كچ و ژنێن ئێزدی سەبیكرینە و هەتا نۆكە ژی پتر ژ 3797 ژن و زەلامێن ئێزدی دەستێن داعشیێ دا ماینە،مخابن هەتا نۆكە نەتەوەیێن ئێكگرتی چو پێنگاڤ نەهاڤێتینە بەرامبەر وێ زۆرداریا تیرۆرستان ل سەر ژن و زارۆیێن ئێزدی كری هەوە چو هەلویست نەبوویە.
بۆزانی راگەهاندژی داخویانیا بان كی مون ئێزدی ژ قوربانیدانێ كرنە جەلاد" هوون بێژن ئێزدیان 45 ملیۆن دولار یێ داینە تیرۆرستان بۆ رزگاركرنا كچ وژنان هوون بێژن ئێزدی یێ بووینە سەرچاڤێ دارایی یێ تیرۆرستان ، ڤان تومەتا ئێزدی تووشی سەرسۆرمانێ كرن ب تایبەتی ژی دەمێ ئەو داخویانیا ژلایێ كەسەكێ ڤە بت سكرتێرێ گشتیێ نەتەوەیێن ئێكگرتی بت،پێدڤیە هوون رۆن وئاشكرا بكەن كا چەوا و كەنگی و كێ ئەو دراڤە وەرگرتینە و ژ كێ وەرگرتینە و میكانزما مەزاختنێ چەوابوو و بەروڤاژی داخویانیا بان كی مون ب تۆمەت دانین بۆ ئێزدیان.
خێری دبێژت ژی ئێزدیان و نڤیسینگەها رەڤاندیان داخوازا هاریكاریێ ژ چو دەولەت و لایەنان نەكریە بتنێ نڤیسینگەها سەرۆكێ حكومەتا هەرێما كوردستانێ ئەم داخوازێ دكەن ڤەكۆلێن ل ڤی بابەتی دا بێتە كرن بێتە ئاشكەرا كرن بۆ رایا گشتی یا جیهانیی و ئێزدیخانێ.
