دەرهێنەر و ڤەكۆلەرەكێ ئێزدی كار ژبۆ جینۆسایدا شنگالێ دكه‌ن
ئێزديخان نيوز:
دەرهێنەرێ سینەمایی نەوزاد شێخانی ل ئەلمانیا پێشوازی ل ڤەكۆلەر داود موراد خەتاری كر،دهەڤدیتنەكێ دا بەحسێ چاوانیا گەهاندنا ئازارێن جڤاكێ ئێزدی ب ئالاڤێن هۆنەری و رەوشەنبیری بۆ جیهانێ كرن،ب رێیا فلمێن سینەمایی و چاپكرنا پەرتووكان و وەرگێرانا وان بۆ زمانێن بیانی جیهانی.
ڤەكۆلەر داود موراد خەتاری راگەهاند:"دڤێ هەڤدیتنێ دا ل سەر فلمێ (تۆرن_كەسەكی ژێهاتی یێ عاشقێ ئەرد و پیرۆزیێت خۆ) ئاخفتین یێ شێخانی نوو دەرهێنانكری،رابوویە ژی ب دەرهێنانا فلمەكی ل سەر جینۆسایدا شنگالێ دپاشەرۆژەكا نێزیك دا،سۆزدا ژی هەڤكار بت ژبۆ جینۆسایدا شنگالێ".
ژلایەكێ دیڤە ل سەر چاوانیا گەهاندنا ئازارێن جڤاكێ ئێزدی ئاخفتین ب ئالاڤێن هۆنەری و رەوشەنبیری بۆ جیهانێ،ب رێیا فلمێن سینەمایی و چاپكرنا پەرتووكان و وەرگێرانا وان بۆ زمانێن بیانی جیهانی.
هەژی گۆتنێیە شێخانی چەندین فلمێن سینەمایی یێن جیهانی دەرهێنانكرینە،سەرپەرشتیا ڤیستەڤالا مراكش یا سینەمایی كریە،هەتا نۆكە 50خەلات ب دەست خۆ ڤە ئیناینە،خەتاری ژی 24دانەرێن مێژوویی یێن چاپكری هەینە و جینۆسایدا شنگال ژ هەموو لایان ڤە دكیۆمێنتكریە.
ژێده‌ر:تۆرا لالش یا راگەهاندنێ
