پشتى نه‌ته‌وه‌يێن ئێكگرتى، دوهى 16/6/2016،راپۆرته‌ك به‌لاڤكرى كو رێكخراوا داعش يا تيرۆرستى كۆمكوژى ل دژى ئێزديان ل عێراقێ و سوريا ئه‌نجام دايه،باليۆزا ئاشتيێ و رزگاربوويا ده‌ستێ داعشێ ناديا موراد،هه‌وه‌ك بۆ پشته‌ڤانيكرنا وێ راپۆرتێ و دۆزا ئێزديان ل سه‌ر تۆرێن كۆمه‌لايه‌تى راگه‌هاند.
باليۆزا ئاشتيێ دراگه‌هاندنه‌كێ دا دياركر:كۆمكوژيا ئێزديان راستييه و ل سه‌ر جڤاكێ نێڤ ده‌وله‌تى دۆسه‌يا كۆمكوژيێ ره‌وانه‌ى دادگه‌ها تاوانێن نێڤ ده‌وله‌تى بكه‌ت،كار ژبۆ رزگاركرنا پترى 3200ژن و زارۆكێن ئێزدى بكه‌ت،هه‌موو پيڤه‌رێن فه‌ر بێخته كار بۆ سه‌كناندنا كۆمكوژيێ و دابينكرنا پاشه‌رۆژه‌كا ئارام بۆ ئێزديان.
ل هه‌مبه‌رى راپۆرتا نه‌ته‌وه‌يێن ئێكگرتى،ناديا موراد ده‌ست ب ئه‌نجامدانا هه‌وه‌كێ كريه ل سه‌ر تۆرێن كۆمه‌لايه‌تى يێن فه‌يسبۆك و تويته‌رى،ژبۆ پشته‌ڤانيكرنا وێ راپۆرتێ و دۆزا ئێزديان،ژهه‌موويان دخوازت لگه‌ل وێ دا بن.
