ته‌رمێ دوو گه‌نجێن ئێزدى دێ بۆ هه‌رێما كوردستانێ ئێنه ڤه‌گۆهاستن
ئێزدیخان نیوز:
رێڤەبەرێ گشتیێ كاروبارێن ئێزدیان ل وەزارەتا ئەوقاف و كاروبارێن ئایینی ل حكوومەتا هەرێما كوردستانێ راگەهاند،دەستپێكا ڤێ هەیڤێ دوو گەنجێن كوردێن ئێزدی ل دەریایا ئیجەیا یۆنان دا خەندقین،ل سەر ئەركێ سەرۆكێ حكوومەتا هەرێمێ تەرمێن وان دێ ئێنە زڤراندن بۆ هەرێمێ.
خێری بۆزانی،رێڤەبەرێ گشتیێ كاروبارێن ئێزدیان ب مالپەرێ فەرمیێ پارتی دیموكراتی كوردستان راگەهاند،ل دەستپێكا ڤێ هەیڤێ دوو گەنجێن كوردێن ئێزدی ل دەریایا ئیجە ل یۆنان خەندقین،كو بەرەف ئەوروپا كۆچ دكرن و كەسوكارێن وان ڤیان تەرمێن وان بێنە زڤراندن بۆ هەرێما كوردستانێ،سەرۆكێ حكوومەتا هەرێمێ ئامادەیا خۆ دەربری هەموو كار و خەرجیێن زڤرینێ ل ئستۆیێ خۆ بگرت.
گۆتژی هەر وەختەكێ رێكارێن یاسایی تەمام بوون،تەرمێن وان دێ ئێنە زڤراندن بۆ هەرێمێ.
هەردوو گەنجێن كوردێن ئێزدی ناڤێن وان(ئەیاد سەعدۆ حسێن)و(خەیرۆ خەلەق خودێدا)یە.
