التخطي إلى المحتوى الرئيسي
بحث هذه المدونة الإلكترونية
نووچه‌يه‌كێ گرنگ ژناديا موراد بۆ هه‌موو ئێزديان...ئه‌لمانيا رازه‌مه‌ندى دا؟
ئێزديخان نيوز:
فراكسيۆنا پارتا spdيا ده‌سه‌لاتدار ل په‌رله‌مانێ ويلايه‌تا نيدرزاكسن،داخوازنامه‌يه‌كێ ئاراسته‌ى باليۆزا ئاشتيێ ناديا موراد دكه‌ت بۆ ڤه‌گۆهاستنا نامه‌يا وێ.
باليۆزا ئاشتيێ نايا موراد دراگه‌هاندنه‌كێ دا ئاشكه‌راكر،دڤێ ديدارێ دا په‌رله‌مانتار،سه‌رۆكێ پارتێ ل پارچه‌يێ،وه‌زيرێ ره‌وشه‌نبيرى،وه‌زيرێ كاروبارێن جڤاكى،لگه‌ل ئاماده‌بوونا چه‌ند كه‌نالين راگه‌هاندنێ.
ناديا موراد ئاشكه‌راكر،حكوومه‌تا پارچه‌يێ رازى بوو ل سه‌ر پێشوازيكرنا 100رزگاربوويان ژبه‌رنامه‌يه‌كێ تايبه‌ت و ئه‌ڤه پێنگاڤا ئێكێ يه.
هه‌روه‌سا ئه‌و چه‌نده ژى دياركر،چه‌ند داخوازى من پێشكێشكرن ژوانا ئاكنجيكرنا رزگاربوويان و خێزانێن وان،پێشوازيكرنا په‌نابه‌ران و دانا مافێ په‌نابه‌ريێ بۆ وان يێن قه‌ستا ئه‌لمانيا دكه‌ن،چاره‌سه‌ركرنا بارێن نه‌خۆشان ل نه‌خۆشخانێن ئه‌لمانيا و ناڤێن نه‌خۆشان پێشكێشكرن يێن ژ يونانێ گه‌هشتينه من،هه‌روه‌سا دانپێدان ب كۆمكوژيێ و سزادانا داعشێ ل سه‌ر ئاستێ نێڤ ده‌وله‌تى،زێده‌بارى چه‌ند بابه‌تێن دى يێن گرنگ يێن هه‌ڤپشك.
ئاماژه‌كريه ژى كو وێ و رێكخراوا يه‌زدا و رێكخراوا ئێزديێن جيهانێ،ياداشتنامه‌يه‌ك پێشكێشكرن و دێ راده‌ستى وه‌زيرێ ده‌رڤه‌يا ئه‌لمانيا ئێته كرن،تێدا داخواز ژ ئه‌لمانيا هاتيه كرن پشته‌ڤانيا پێكۆلان بكه‌ت بۆ ڤه‌كرنا دۆسه‌يا كۆمكوژيێ ل به‌رامبه‌ر دادگه‌ها تاوانێن نێڤ ده‌وله‌تى.
