حسێن قائیدی:2 هه‌زار و 593 كه‌س ژ ده‌ستێ داعشێ هاتینه رزگاركرن
ئێزديخان نيوز:
رێڤه‌به‌رێ نڤێسینگه‌ها كاروبارێن ره‌ڤاندییان ل پارێزگه‌ها دهۆكێ راگه‌هاند؛ تا نها 2 هزار و 593 كه‌س ژ ده‌ستێ رێكخستنا تیرۆرستییا داعشێ هاتینه رزگاركرن و بزاڤێن وان ژی بۆ رزگاركرنا كه‌سێن ماین به‌رده‌وامن.
حسێن كۆرۆ قائیدی، رێڤه‌به‌رێ نڤێسینگه‌ها كاروبارێن ره‌ڤاندیێن ده‌ستێ داعشێ گۆت: هه‌ژمارا وه‌لاتیێن ئێزدی یێن كه‌ڤتینه ده‌ستێ داعشێ 6 هزار و 383 كه‌س بوون، هه‌روه‌سا ئاشكراكرژی؛ 2 هزار و 593 كه‌س ژ وان هاتینه رزگاركرن و زێده‌تری 3 هزار و 700 كه‌سان ماینه و دوپاتكر؛ 937 ژ وان ژنن و 326 زه‌لامن و هه‌روه‌سا لدۆر هه‌ژمارا زارۆیان ژی گۆت: 659 ژ رزگاربوویان زاڕۆیێن كچن و 671 ژی كوڕن.
قائیدی ده‌رباره‌یی بزاڤا رزگاركرنێ بۆ كه‌سێن مایی ژی ئاشكراكر؛ ئه‌و به‌رده‌وام ب رێكێن خوه ل سه‌ر هێلێ نه بۆ وێ یه‌كێ كه‌سێن ماینه دده‌ستێ داعشێ دا رزگاربكه‌ن.
ده‌رباره‌یی هاریكاریێ ژی بۆ رزگاركرنێ گۆت: نڤێسینگه‌ها نێچیرڤان بارزانی، سه‌رۆكوه‌زیرێن هه‌رێمێ هه‌موو خه‌رجییان ب ستۆیێ خوه ڤه دگریت و سۆز داینه كو د به‌رده‌وام بن تا ئێك ئێزدی ژی مابیت و ره‌خنه‌یێن دژوار ژی ل حكومه‌تا ئیراقێ گرتن كو ب چو شێوه‌یان هاریكارییا مادی ناكه‌ت.
ده‌رباره‌یی زارۆیێن ل سنۆرێن تیرۆرستان ژی ل سه‌ر توندڕیێ دهێنه مه‌شقدان، ژ جڤاكێ نێڤده‌وله‌تی خواست، ب زووترین ده‌م كاری بۆ رزگاركرنا وان ژی بكه‌ن و ڤه‌گه‌ڕینن ژیانا وان یا پێشتر.
