ئێزديان مانگرتن ل ئه‌لمانيا راگه‌هاند...پێنج گه‌نجێن ئێزدى برينداربوون
ئێزديخان نيوز:
دوهى ل شه‌ڤا 21ئه‌يارێ 2016،گرۆپێن ئيسلامى يێن ئه‌ڤغانى و شيشانى دگه‌ل هنده‌كێن ديتر،ب كێركا هێرشى گه‌نجێن ئێزدى ل كه‌مپه‌كا په‌نابه‌ران ل باژێرێ بيليفيلد يێ ئه‌لمانى كرن و پێنج گه‌نجێن ئێزدى ب گرانى برينداركرن و بۆ نه‌خۆشخانێ هاتينه راوانه‌كرن،خێزانێن ل ڤێ كه‌مپێ مانگرتن راگه‌هاند و دخوازن چاره‌يه‌ك بێته ديتن.
سالار فائز،ئه‌ندامێ گرۆپێ بۆچۆنا جڤاكا ئێزديان ل ئه‌لمانيا ب ئێزديخان نيوز راگه‌هاند،خێزانێن ئێزدى يێن ل وێ كه‌مپا گرۆپێن ئيسلامى يێن وه‌ك ئه‌ڤغانى و شيشانى دگه‌ل هنده‌كێن ديترهێرشكرينه سه‌ر،ناچار بووينه كه‌مپێ بجبهێلن و ژ ده‌رڤه‌ى كه‌مپێ نه هه‌تا چاره‌يه‌ك بێته ديتن و مانگرتن راگه‌هاندينه.
گۆتژى ڤان گرۆپان چاڤدێريا هنده‌ك گه‌نجێن ئێزدى كرينه ده‌ما ژ كه‌مپێ ده‌ركه‌فتين و قه‌ستا بازارى كرين،بخۆ كرينه ئارمانج و ب كێركا هێرشى وان كرن و پێنج ژ وان برينداركرن و بۆ نه‌خۆشخانێ هاتينه ره‌وانه‌كرن.
دووپاتكر ژى خێزانێن ئێزدى يێن ل ڤێ كه‌مپێ داخوازێ ژمالێن ئێزديان ل ئه‌لمانيا دكه‌ن ،ب هاوارا وان بچن و چاره‌يه‌كێ بۆ وان ببينن.
