التخطي إلى المحتوى الرئيسي
بحث هذه المدونة الإلكترونية
پێدڤیە ئێزدی كەنالێن پەیوەندیكرنێ لگەل هێزێن لەشكەری ڤەكەن بۆ رزگاركرنا گرتييان
ئێزدیخان نیوز:
چالاكڤانەكێ ئێزدی دبێژت،یا پێدڤیە ئالیێن ئێزدی یێن فەرمی،كەنالێن پەیوەندیكرنێ لگەل هەر هێزەكێ ڤەكەن یێن هێرشی پێگەهێن رێكخراوا داعش یا تیرۆرستی ل سوریا و عێراقێ دكەن،ب تایبەت ل وان دەڤەران یێن كو دبت گرتیێن ئێزدی لێ هەبن.
چالاكڤان خدر خەلات بۆ ئێزدیخان نیوز گۆت:بەداخەوە چوو داخوازیێن فەرمی ژبال هندەك ئالیێن ئێزدی لگەل سەركرداتیا وان هێزان نینن،یێن هێرشی پێگەهێن رێكخراوا داعش یا تیرۆرستی ل سوریا و عێراقێ دكەن،ب تایبەت ل وان دەڤەران یێن كو دبت گرتیێن ئێزدی لێ هەبن،ئەڤە خەلەتیەكا مەزنە،ئەڤە ئەركە ل سەر هەموو ئالیێن ئێزدی یێن فەرمی،ب تایبەت پێزانین هەینە خویا دكەن ل سەر هەبوونا ب سەدان گرتی و ئێخسیرێن ئێزدی ل باژێرێن فەلووجە و رەقە.
ڤى چالاكڤانی تەكەزكر،ژ هەموو سەركردایەتیێن لەشكەری دخوازم ئەوێن شەرێ رێكخراوا داعشێ دكەن،كو لژنەیان تەرخان بكەت كو ئەركێ وێ پێزانینان و جهێن گرتی و ئێخسیرێن مە بزانت و رزگاربوویان ژ وان رادەستی جهێن تایبەتمەند بكەت ل حكوومەتا هەرێما كوردستانێ،دیسان دبت ب سەدان گرتیێن مە ل حەوێجە و شەرگات و گەیارە و تلەعفەر هەبن.
