ئێزديخان نيوز:
ژئه‌نجامێ كۆمڤه‌بوونا گلێشى ل ڤى ماوه‌يێ داويێ ل چه‌ند ده‌ڤه‌رێن ناوچه‌يا سنوونێ وب تايبه‌ت قه‌سه‌با سنوونێ،ژبه‌رنه‌بوونا ئاليه‌كى ده‌ڤه‌رێ پاقژ بكه‌ت و گلێشى راكه‌ت،بنگه‌هێ لالش تايێ سنوونێ و نڤيسينگه‌ها لالش بيرئاده‌م ،ئيرۆ 18ئه‌يارێ 2016،ده‌ست ب هه‌وه‌كا پاقژكرنێ كر.
سلێمان فانۆ،به‌رپرسێ بنگه‌هێ لالش تايێ سنوونێ راگه‌هاند،ب ئاماده‌بوونا هه‌ر ئێك ژ رێڤه‌به‌ر و جڤاتا ناوچه‌يێ و ب هه‌ڤكارى دگه‌ل باژێرڤانيا سنوونێ و كۆمه‌كا گه‌نجێن ده‌ڤه‌رێ،مه ده‌ست ب هه‌وه‌كا پاقژكرنێ كر ل قه‌سه‌با ناوچه‌يێ و ب تايبه‌ت ده‌ڤه‌را بازرگانى يا به‌رنياس ب دۆريانا سنوونێ،دڤێ هه‌وێ دا گڵێش هاته راكرن پشتى هاتيه كۆمكرن دكيسان دا هاته هاڤێتن ل ده‌ڤه‌را ئه‌لته‌مر يا صه‌حى يا تايبه‌ت بۆ هندێ،ديسان كيس ل سه‌ر خودانێن دكانێن بازرگانى هاتن به‌لاڤكرن.
فانۆ دبێژت ژى وه‌ك بنگه‌هێ لالش ب ئه‌ركێ خۆ دزانين رابين ب ئه‌نجامدانا هه‌ر چالاكيه‌كێ دخزمه‌تا خه‌لكێ ده‌ڤه‌رێ و ئاواره‌يان ل ده‌ڤه‌رێن دى يێن شنگالێ دا بت،دهه‌مان ده‌م دا گازى ژ هه‌موو لايه‌نێن حكوومى و نه‌حكوومى وه‌ك رێكخراوێن جڤاكێ سڤيل دكه‌ين كار بكه‌ن،ژبۆ پاقژكرنا هه‌موو ده‌ڤه‌رێن ناوچه‌يا سنوونێ،بۆ كێمكرنا نه‌خۆشيان و پيساتيێ ژ ئه‌نجامێ كۆمڤه‌بوونا گلێشى و كارتێكرنا نه‌رێنى ل سه‌ر جوانيا ده‌ڤه‌رێ.
