التخطي إلى المحتوى الرئيسي
بحث هذه المدونة الإلكترونية
ئه‌ڤ تيرۆرسته ژپلاندانه‌ر و به‌شدارى دكريارێن په‌قينێن سيبا شێخدر و گرعزێرێ داكريه
ئێزديخان نيوز:
ڤه‌كۆله‌ره‌كێ ئێزدى ئاشكه‌راكر،تيرۆرست ئه‌حمه‌د عه‌لى ئه‌لعنزى يێ ناسيار ب(ئه‌بو زياب)به‌شدارى دكريارا په‌قاندنا كۆمه‌لگه‌هێن سيبا شێخدر و گرعزێرێ ل شنگالێ ل سالا 2007داكريه،هنگێ سه‌ر ب رێكخراوا قاعيده يا تيرۆرستى ڤه بوو،ده‌مێ داعشێ باژێرێ شگالێ داگيركرى ل 3/8/2014،ڤى تيرۆرستى دگه‌ل خيلافه‌تا داعشێ به‌شدارى كر دكوشتنا خه‌لكێ شنگالێ دا.
ڤه‌كۆله‌رێ ئێزدى داود موراد خه‌تارى راگه‌هاند،كچه‌كا ئێزدى يا رزگاربوويى ب ناڤێ(ه.خ.ر) ئه‌وا بۆ ماوێ ساله‌ك و سێ هه‌يڤان دگه‌ل ڤى تيرۆرستى ماى بۆ مه گۆت و ئه‌ڤ وێنێ وێيه لگه‌ل وى و گۆتيه وى به‌شدارى دكوشتنا ئێزديان دا كريه.
1. كوشتنا باب و دوو برايێن من ل گرعزێرێ ل رۆژا 3/8/2014.
2.ئه‌ڤ تيرۆرسته ژ پلاندانه‌ر و به‌شدارى دكريارێن په‌قينێن كۆمه‌لگه‌هێن سيبا شێخدر و گرعزێرێ ل شنگالێ ل سالا 2007داكريه و قوربانى ب سه‌دان بوون.
3.به‌شدارى دكوشتارا كۆچۆ ل رۆژ 15/8/2014كريه،پترى 300كه‌سان هاتن كوشتن.
4.به‌شدارى كر دكوشتنا ژنێن خه‌لكێ كۆچۆ دا ل صۆلاغێ ل رۆژا 16/8/2014 و ژمارا قوربانيان 81ژن بوون.
5.ده‌ست درێژى ل 16كچێن ئێزدى كريه و ئه‌ز ئێك ژ وان بووم و ته‌مه‌نێ من 16سالن.
6.كچا قاره‌مان(زيرى خدر) ژ گرعزێرێ هه‌ول دا وى بكوژت،به‌لێ وێ تيرۆرستى ئه‌و كوشت و بوو جانگۆرى بۆ ره‌ڤانيكرنێ ژ ئێزدياتيێ و شه‌ره‌فا وێ.
