فلمەكێ ئێزدیان ل ڤێ هەفتیێ دێ ل ئەوروپا ئێتە بەلاڤكرن
ئێزديخان نيوز:
فلمێ ئێزديا من ل باژێرێ هانۆڤه‌ر ل ئه‌لمانيا ژبال كۆما 74يا ئێزديان ڤه هاته چێكرن،كو ده‌ربرينێ ژ ئێش و ئازارێن ملله‌تێ ئێزدى دكه‌ت و سێ چيرۆكان ب خۆڤه دگرت،ل ڤێ ههفتيێدێ ل سه‌ر تۆرێن ئه‌نته‌رنێتێ ئێته به‌لاڤكرن.
جه‌مال ده‌روێش،به‌رپرسێ كۆما 74بۆ مالپه‌رێ ئێزديخان نيوز خوياكر،ئه‌ڤ فلم ژ نڤيسين و ده‌رهێنه‌ريا وى يه و وێنه‌گريا عه‌لى حسێن و مونتاژكرنا هۆنه‌رمه‌نده عه‌بدولعه‌زيزه،هه‌روه‌سا هه‌لبه‌ستڤان سيروان خانكى به‌شداره و دوو هه‌لبه‌ست تێدا گۆتينه،ديسان ئه‌كته‌ر و هۆنه‌رمه‌ندێ ڤێ كۆمێ هه‌ڤند مه‌ردان به‌شداره ب سترانه‌كێ،فلم ل ستووديا وون ستوديو هاتيه تۆماركرن.
ناڤهاتى ئه‌و چه‌نده ژى دياركر،فلمێ ئێزديا من ل باژێرێ هانۆڤه‌ر ل ئه‌لمانيا ژبال كۆما 74يا ئێزديان ڤه هاته چێكرن،چيرۆكا فلمى سێ بابه‌تان ب خۆڤه دگرت ئه‌و ژى فه‌رمانا ب سه‌رێ ئێزديا هاتى و ماركرنا وان كچێن ژ ده‌ستێ كافران قورتالبووين و غه‌ريبى و كاره‌ساتا ده‌ريايێ ئيجه،ده‌ربرينێ ژى ژ ئێش و ئازارێن ملله‌تێ ئێزدى دكه‌ت و ل ڤێ هه‌فتيێ دێ ل سه‌ر تۆرێن ئه‌نته‌رنێتێ ئێته به‌لاڤكرن.
ده‌روێش گۆتژى كۆما 74ژ كۆمه‌كا كچ و خۆرتێن ئێزديان ل ئه‌لمانيا پێك دئێت.
