ئيرۆ 28ئه‌يارێ 2016،ب هه‌زاران په‌نابه‌رێن ئێزدى ژ هه‌موو ته‌خ و چينا ب ئالا و دروشما ل باژیرێ بیلیفیلد ل ئه‌لمانيا،خۆپيشاندانه‌كا ئاشتيانه ئه‌نجامدان وداخوازا پاراستنا كێمينه‌يان كرن.
سالار فائز،ئه‌ندامێ گرۆپێ بۆچۆنا جڤاكا ئێزديان ل ئه‌لمانيا بۆ مالپه‌رێ ئێزديخان نيوز گۆت:پشتی وان شه ر و گەفێن ل په‌نابه‌رێن ئێزدى ل كه‌مپه‌كا په‌نابه‌ران هاتینه كرن ژلایێ گرۆپێت ئيسلامی یێن توندرەو ڤه، وه كی شیشانی و ئه فغانى و سورى يا ل گەلەک کەمپا ل ده‌مه كی كێم دا ،وه‌كی ل باژێرێن هانۆڤەر و شتوتگارت و تایبه‌ت بیلیفیلد،پشتی برینداركرنا نێزیكی پێنچ گەنجێن ئێزدی ب گرانی،ب هه زارن مال و کۆمەل و بنگەهێن ئێزدیا سه‌ره‌دانا كه‌مپا بیلیفیلد كرن و خۆ ئاماده‌كرن كو ب توندی به‌رسڤا وان هێرشان بده‌ن و تۆلا خۆ ڤەکەن، به‌لێ پشتی ئه‌و مال و کۆمەل و بنگەهێ لالش و زه‌لامێن ئاینی يێن ئێزدیا كۆمبووین و بریاردان ب رێيەکا ئاشتیانه چاره‌سه‌ربكه‌ن و ب رێيا یاسایێ خۆپیشاندانه‌كێ بكه‌ن و تێدا داخوازا پاراستنا كێمینا بكه‌ن وه‌ك پۆلیس پتر ل ره‌وشا كێمینا هایدارببن یان ژی کەمپێن تایبه‌ت بۆ کێمینا بێنه چێكرن تایبه‌ت بۆ ئێزدیا، ديسان نڤیسینه‌كه تایبه‌ت ژلایێ وان مال و کۆمەلا بێتە نڤیسین و بێتە رەوانەکرن بۆ جهێن پەیوەندیدار ژلایێ رەوشا پەنابەران ڤه.
ئه‌ندامێ گرۆپێ بۆچۆنا جڤاكا ئێزديان دياركر،ئيرۆ ژڤانێ خۆپیشاندانێ هات و هاته كرن ل باژێرێ بیلیفیلد،بۆ وان داخوازیا یێن مال و کۆمەلێن ئێزدی سه‌ر رێككه‌فتین،ب هه‌زاران ئێزدی ژهه‌موو ته‌خ و چینا ب ئالا و دروشما به‌شداربوون دخۆپيشاندانێ دا،كو داخوازا پاراستنا كێمینا كرن.
