التخطي إلى المحتوى الرئيسي
بحث هذه المدونة الإلكترونية
رۆژنامه‌ڤانه‌كێ ئێزدى:دڤێت پالپشتيا هه‌وێن چالاكڤانا بكه‌ين بۆ رزگاركرنا گرتييان
ئێزديخان نيوز:
رۆژنامه‌ڤانه‌كێ ئێزدى دبێژت، دڤێت ب راگه‌هاندنێ پالپشتيا وان هه‌وا بكه‌ين ئه‌وێن تێنه كرن ژلايێ چالاكڤانێت ئێزدى ژبۆ دراڤى بۆ رزگاركرنا گرتيێت مه،ديسان ڤان هه‌وا ب كاربينين ژبۆ بيرئانينا ئێش و ئازارێن كه‌س و كارێن مه يێن د ده‌ستێ دره‌نده‌ترين رێكخراوا تيرۆرستى ل جيهانا سه‌رده‌مى.
رۆژنامه‌ڤان خدر خه‌لات بۆ مالپه‌رێ ئێزديخان نيوز گۆت:داخوازێ ژ هه‌ڤكارێت خۆ دكه‌م كو ب هيچ ره‌نگه‌كى نه سه‌كنن ژ داخوازيا به‌ردانا گرتيێت مه و دهه‌موو ده‌زگه‌هێن راگه‌هاندنێ دا ڤێ چه‌ندێ به‌حس بكه‌ين،ژبه‌ركو كور و كچ و كه‌س و كارێت مه يێن گرتى چوو شيان نينن،من باوه‌ره ئه‌و پشتا خۆ ب راگه‌هاندكارا گه‌رم دكه‌ن وه‌كو پشتا وان ب هێزێن ئاسايشێ و سه‌ركردايه‌تيێن سياسى يه گه‌رم،ئه‌ڤجا چێنابت ئه‌م ب سه‌كنين ژ داخوازيكرنا ئازادكرنا وان.
ئاماژه دا وێ چه‌ندێ دڤێت ب راگه‌هاندنێ پالپشتيا وان هه‌وا بكه‌ين ئه‌وێن تێنه كرن ژلايێ چالاكڤانێت ئێزدى ژبۆ دراڤى بۆ رزگاركرنا گرتيێت مه.
