كۆمسيۆنه‌ك بۆ ئاسانكرنا كاروبارێت په‌نابه‌رێن ئێزدى ل ئه‌لمانيا هاته دروستكرن
ئێزديخان نيوز:
ل سه‌ر وێ هێرشا گرۆپێن ئيسلامى بۆ سه‌ر په‌نابه‌رێن ئێزدى ل كه‌مپه‌كا په‌نابه‌ران ل باژێرێ بيليفيلد،بنگه‌هێ لالش ل ئه‌لمانيا لگه‌ل نێزيكى 50كه‌سێن ئێزدى كو ژ7ژوان مال و كۆمه‌ل بوون كۆمبوو.
پشتى گرۆپێن ئيسلامى يێن ئه‌فغانى و شيشانى و سورى ل كه‌مپه‌كا په‌نابه‌ران ل باژێرێ بيليفيلد ل ئه‌لمانيا هێرشكرينه سه‌ر گه‌نجێن ئێزدى،كو دوێ هێرشا وان دا پێنج گه‌نج ب كێركا هاتنه برينداركرن،پشتى روودانێ هه‌موو په‌نابه‌رێن ئێزدى بۆ كه‌مپه‌كا دى ل وى باژێرى هاتن ڤه‌گۆهاستن.
دلشاد سمۆ،به‌رپرسێ به‌شێ ره‌وشه‌نبيريێ بنگه‌هێ لالش ل ئه‌لمانيا بۆ ئێزديخان نيوز گۆت:پشتى ڤێ روودانا چێبوويى بنگه‌هێ لالش لگه‌ل نێزيكى 50كه‌سێن ئێزدى كو ژ7ژوان مال و كۆمه‌ل بوون كۆمبوو،پشتى گه‌نگه‌شه ل سه‌ر ڤان كێشا هاتيه كرن،بريار هاته دان كۆمسيۆنه‌ك ژ ڤان مال و كۆمه‌لان بێته دروستكرن و نڤيسينه‌كا تايبه‌ت بێته نڤيسين بۆ حكوومه‌تا بيليفيلد و جهێن په‌يوه‌نديدار بێته ره‌وانه‌كرن و سه‌ره‌دانا وان كه‌مپا بێته كرن،ديسان په‌يوه‌ندى و دانوستاندن لگه‌ل به‌رپرسێت پارتێت سياسى بێنه كرن ژبال وێ كۆمسيۆنێ ڤه،ژبۆ رێكخۆشكرنێ و ئاسانكرنا كاروبارێت په‌نابه‌رێن ئێزدى ل ناڤ وان كه‌مپان دا.
ناڤهاتى ئاشكه‌راكرژى برياره ل رێككه‌فتى 28/5هه‌مان كۆمبوون دووباره بێته ل دارخستن.
