التخطي إلى المحتوى الرئيسي
بحث هذه المدونة الإلكترونية
وه‌زاره‌تا پێشمه‌رگه‌ى:ل هه‌موو به‌ره‌يان پێشمه‌رگه‌ى سه‌ركه‌فتن ب ده‌ست ڤه ئينا
ئێزديخان نيوز:
بريكارێ وه‌زاره‌تا پێشمه‌رگه‌ى يێ حكوومه‌تا هه‌رێما كوردستانێ دبێژت،ل شه‌رێ ئيرۆ دناڤبه‌را هێزێن پێشمه‌رگه‌ى و تيرۆرستێن داعشێ دا،هيچ هێزه‌كا دى ژبلى پێشمه‌رگه‌ى به‌شدارى نه‌كريه،خۆشبه‌ختانه ل هه‌موو به‌ره‌يان دا هێزێن پێشمه‌رگه‌ى سه‌ركه‌فتن ب ده‌ست ئينا.
ئه‌نوه‌ر حاجى عوسمان،ب مالپه‌رێ فه‌رميێ پارتى ديموكراتى كوردستان راگه‌هاند،ئيرۆ داعشێ ل چه‌ندين به‌ره‌يان هێرش كره سه‌ر پێشمه‌رگه‌ى،به‌لێ ل هه‌موو به‌ره‌يان شكه‌ستن و سه‌ركه‌فتى نه‌بوون.
حاجى عوسمان گۆتژى داعش ئه‌و چه‌نده نينه بێت جهه‌كى بگرت و لێ جێگير بت،به‌لكو تنێ هێرش دكه‌ن و دزڤرنه‌ڤه،ره‌نگه جگه ژ وان هێرشان،هێرشێن دى ژى ئه‌نجام دده‌ن،به‌لێ خه‌لكێ كوردستانێ دلنيا دكه‌ين نكارن بۆسته‌كا ئاخا كوردستانێ بگرن و هه‌ر وه‌خته‌كى هێرشێ بكه‌ن دشكێن،له‌وا ژبه‌ر هندێ نكارن خۆ ل به‌رمبه‌ر هێزێن پێشمه‌رگه‌ى بگرن.
بريكارێ وه‌زاره‌تا پێشمه‌رگه‌ى دبێژت ژى ل شه‌رێ ئيرۆ دا،ژبلى هێزێن پێشمه‌رگه‌ى،هيچ هێزه‌كا دى نه‌يا ئه‌مريكا و نه هيچ وه‌لاته‌كى دى به‌شدار نه‌بوون،تنێ ئه‌مريكا ژ روويێ وه‌شق و راهێنانێ ڤه هاريكاريا پێشمه‌رگه‌ى دكه‌ت و ل ئه‌سمانى بوردۆمانا داعشێ دكه‌ت.
