التخطي إلى المحتوى الرئيسي
بحث هذه المدونة الإلكترونية
شێخ شامۆ:پشتگريا ريفراندۆمێ دكه‌ين،دا ده‌ڤه‌رێن مه ڤه‌گه‌رنه سه‌ر باوه‌شا هه‌رێمێ
ئێزديخان نيوز:
نوونه‌رێ كوردێن ئێزدى ل په‌رله‌مانێ كوردستانێ راگه‌هاند،كوردێن ئێزدى پشتگريێ ل ئه‌نجامدانا ريفراندۆمێ دكه‌ن،دا شنگال و ئه‌و ناوچێن سه‌ر ب پارێزگه‌ها مووسلن،ب زووترين وه‌خت ڤه‌گه‌رنه سه‌ر هه‌رێما كوردستانێ.
شێخ شامۆ،بۆ مالپه‌رێ پارتى ديموكراتى كوردستان گۆت:كوردێن ئێزدى پشتگريێ ل ئه‌نجامدانا ريفراندۆمێ دكه‌ن،دا شنگال و ئه‌و ناوچێن سه‌ر ب پارێزگه‌ها مووسلن،ب زووترين وه‌خت ڤه‌گه‌رنه سه‌ر باوه‌شا هه‌رێما كوردستانێ.
شێخ شامۆ گۆتژى ئه‌م وه‌ك كوردێن ئێزدى مه نه‌ڤێت سه‌ر ب پارێزگه‌ها مووسلێ بين،له‌وا به‌رده‌وام كاردكه‌ين كو شنگال ببته پارێزگه‌ه و ڤه‌گه‌رته سه‌ر هه‌رێمێ،چنكو ئه‌گه‌ر ل وان 100سالان دا نه‌ته‌وه‌يێن دى جاره‌كێ ده‌ربه‌ده‌ر ببن،كوردێن ئێزدى دووجار ده‌ربه‌ده‌ربووينه و تووشى قركرنێ هاتينه،ده‌مێ كوردستانێ بوويه 4پارچه،ئێزدى ژى بوونه 4پارچه،ل 100سالێن بۆرى دا ئه‌و نه‌خۆشيێن ب سه‌رێ گه‌لێ كورد دا ب شێوه‌يه‌كێ گشتى و ب سه‌ر كوردێن ئێزدى هاتين،ب ئه‌گه‌رێ رێككه‌فتنا سايكس پيكۆ بوو،نۆكه ژى ئه‌و رێككه‌فتنه يا به‌ره‌ف داويێ دچت،چنكو ئه‌و رێككه‌فتنه لگه‌ل واقعێ ئيرۆ ل رۆژهه‌لاتا ناڤه‌راست ناگونجت،له‌وا پێدڤى ژنوو نه‌خشێ رۆژهه‌لاتا ناڤه‌راست بێته دارشتن،زۆر پێدڤيه ئه‌م ئێكرێزى بين و ناڤ مالا كوردى بپارێزين.
