التخطي إلى المحتوى الرئيسي
بحث هذه المدونة الإلكترونية
شانده‌كێ كۆمسيۆنا كاروبارێن په‌نابه‌ران سه‌ره‌دانا ناوچه‌يا سنوونێ كر
ئێزديخان نيوز:
شانده‌كێ كۆمسيۆنا كاروبارێن په‌نابه‌ران(كۆمسيۆنا نه‌ته‌وه‌يێن ئێكگرتى )سه‌ره‌دانا ناوچه‌يا سنوونێ كرن،دكۆمبوونه‌كێ دا دگه‌ل رێڤه‌به‌ر و سه‌رۆكێ جڤاتا ناوچه‌يێ و سه‌رۆكێ بنگه‌هێ لالش تايێ سنوونێ،چه‌ندين كاروبارێن گرێدايى ئاواره‌يان ل ده‌ڤه‌رێ گه‌نگه‌شه‌كرن.
سلێمان فانۆ،سه‌رۆكێ جڤاتا ناوچه‌يا سنوونێ ب وه‌كاله‌ت هه‌ڤده‌م سه‌رۆكێ بنگه‌هێ لالش تايێ سنوونێ يه راگه‌هاند،دكۆمبوونا شاندێ ناڤبرى دا چه‌ندين كاروبارێن گرێدايى ئاواره‌يان ل ده‌ڤه‌رێ گه‌نگه‌شه‌كرن،زێده‌بارى ئه‌وێن ڤه‌دگه‌رن كو دئێنه هژمارتن ئاواره ژبه‌ر ره‌وشا وان يا نه‌يا باش و چاوانيا هه‌ماهه‌نگيێ لگه‌ل رێكخراوێن مرۆڤايه‌تى،بۆ پێشكێشكرنا باشترين خزمه‌تكاريان بۆ وه‌لاتيان.
فانۆ گۆتژى حكوومه‌تا نافخۆ گه‌له‌ك پێشنيازێن گرنگ پێشكێشى شاندى كرن،تايبه‌ت يێن گرێدايى ژيانا رۆژانه يا تاكى و وه‌لاتى،هه‌روه‌سا به‌حسێ پرۆژێن پاشه‌رۆژێ يێن كو دبت پشكه‌كا ژێرخانێ بۆ ده‌ڤه‌رێ ڤه‌گه‌رينن و ژوانا كاره‌ب و ئاڤ و خزمه‌تكاريێن باژێرڤانيێ و كه‌ره‌سته‌يێن خوارنێ و هه‌موو ئاسانكارى و هه‌ڤكارى پێشكێشى وان كر ژبۆ به‌رژه‌وه‌نديا گشتى بۆ وه‌لاتيان،به‌رهه‌ڤيا بنگه‌هێ لالش ژى دياركر بۆ كاركرنێ لگه‌ل وان وه‌ك هاريكارى و ب شێوه‌يه‌كێ خۆبه‌خش.
سه‌رۆكێ جڤاتا ناوچه‌يا سنوونێ ب وه‌كاله‌ت دا زانين،ڤى شاندى سه‌ره‌دانا كۆمه‌لگه‌ها بۆرك كر،ژبۆ نێزيك ئاگه‌هداربوون ل سه‌ر كارێن رێكخراوان يێن قوتابخانا و بنگه‌هێ ساخله‌ميێ ل وێده‌رێ نووژه‌ن دكه‌ن،هه‌روه‌سا گه‌شته‌ك ئه‌نجامدان وچاف ب وه‌لاتيان كه‌فت بۆ به‌رێخۆدانا بارێ وان يێ مه‌عيشى و خزمه‌تكارى.
