التخطي إلى المحتوى الرئيسي
بحث هذه المدونة الإلكترونية
ئێزدييه‌ك راهێنه‌رێ يانه‌يه‌كا ئه‌لمانى يه
ئێزديخان نيوز:
راهێنه‌ره‌كێ كوردێ ئێزدى نهۆ راهێنه‌رێ يانه‌يه‌كا ئه‌لمانى يه،خۆ گه‌هانديه پلا دوويێ يا خۆلا ئه‌لمانى،حه‌ز دكه‌ت ژى ببته راهێنه‌رێ يانه‌يه‌كا خۆلا ته‌پاپێ يا كوردستانێ.
فه‌رات توكۆ،راهينه‌رێ يانه‌يا(SGwattenscheid09)يا ئه‌لمانى د ديداره‌كێ دا بۆ رۆژناما ئه‌ڤرۆ گۆت:هه‌ر ژ زارۆكينيا خۆ من حه‌زا ياريا ته‌پاپێ هه‌بوو من چه‌نده‌كێ يارى دكر،پشتى هنگى من كارگێريا يانه‌يا كر و حه‌ز دكر بمه راهێنه‌رێ يانه‌يه‌كا وه‌لاتێ ئه‌لمانيا،دماوه‌يه‌كى دا من باوه‌رنامه‌يا راهێنه‌ريێ وه‌رگرت و من هه‌موو كارێن راهێنه‌ريێ زانين بۆ من بوو پالپشته‌ك كو راهێنه‌ريا يانه‌يه‌كێ وه‌رگرم.
ناڤبرى ئه‌و چه‌نده ژى خوياكر،پشتى من راهينه‌ريا يانه‌يێ وه‌رگرتى هه‌موو هه‌ول دان ئه‌ز درێزبه‌نديێ خۆلێ دا بينمه پله‌يێن ئێكه‌م،ئه‌و كاره من كر و ئينا و من ژ وێ پله‌يا 3ب داوى ئينا و ئه‌م به‌ره‌ف پله‌يا دوو چۆين و هيڤيا من ئه‌وه بچينه پله‌يا ئێك و هه‌ڤركيێ لگه‌ل وان بكه‌ين،ژبه‌ركو ئه‌و يانه‌يه لگه‌ل قاره‌مانيێن ئه‌وروپا ياريێ دكه‌ن.
گۆتژى حه‌زدكه‌م بمه راهێنه‌رێ يانه‌يه‌كا خۆلا ته‌پاپێ يا كوردستانێ و پتر خزمه‌تا ته‌پاپێ يا كوردستانێ بكه‌م.
فه‌رات توكۆ ژ دايكبوويێ سالا 1980يه و ژبنه‌ماله‌كا خه‌لكێ باكوورێ كوردستانێ يه و ل ئه‌لمانيا ئاكنجيه،راهێنه‌ريا چار يانه‌يێن دى كريه ل وه‌لاتێ ئه‌لمانيا.
