التخطي إلى المحتوى الرئيسي
بحث هذه المدونة الإلكترونية
رێڤه‌برنا رێورسمێن ئاينى به‌رسڤه‌كه بۆ توندره‌وێن دژى مرۆڤايه‌تيێ
ئێزديخان نيوز:
دكه‌ش وهه‌وايه‌كى ئارام دا،ئيرۆ 22ى نيسانێ،رێورسمێن توافا عه‌ڤدێ ره‌ش ل دێره‌بوونێ بێ كه‌يف و خۆشى هاتنه گێران،تنێ سمات هاته به‌لاڤكرن په‌رى سواركرنا نيشانگه‌ها خاسى هات نووكرن و خه‌لكێ به‌شدار ل نيشانگه‌هێ زياره‌تى بوون و هيڤى خواستن خێرو خۆشى بۆ ملله‌ت زێده‌بن.
ل توافا عه‌ڤدێ ره‌ش خه‌لكێ هه‌شت گوندان ل ده‌ڤه‌رێ لێ ئاماده‌دبن و ئه‌ڤ ساله ئاواره‌يێن شنگالێ ژى به‌شداربوون.
رێزان كچل،به‌رپرسێ نڤيسينگه‌ها لالش ل دێره‌بوونێ بۆ ئێزديخان نيوز دياركر،ئه‌ڤ ساله رێورسمێن توافا عه‌ڤدێ ره‌ش ل دێره‌بوونێ بێ كه‌يف و خۆشى هاتنه گێران و تنێ سمات هاته به‌لاڤكرن په‌رى سواركرنا نيشانگه‌ها خاسى هات نووكرن و خه‌لكێ به‌شدار ل نيشانگه‌هێ زياره‌تى بوون،ديسان به‌رده‌واميدانا رێڤه‌برنا رێورسمێن ئاينى به‌رسڤه‌ك بوو بۆ توندره‌وێن دژى مرۆڤايه‌تيێ،له‌ورا ئاينێ ئێزدياتيێ ژئاينێن كه‌ڤناره و داب و نه‌ريت و رێورسمێن ئاينى شاهدن بۆ ڤێ چه‌ندێ و ب درێژاهيا ديرۆكا ئێزديا زولم و زۆردارى و فه‌رمان ب سه‌رێ وان دا هاتينه،به‌لێ بيروباوه‌رێن خۆ پاراستينه.
كچل گۆتژى تواف ژى ژ وان رێورسمێن جڤاكى و ئاينى نه ل سه‌رانسه‌رى ده‌ڤه‌رێن ئێزدى نشين توافێن خاس و چاكا هه‌ينه.
