ل رێككه‌فتى7/4/2016د.(سالح ئه‌لحه‌كيم)كه‌سايه‌تيێ بلند يێ شيعه مه‌زهه‌ب و سه‌رۆكێ بنگه‌هێ ئه‌لحكمه بۆ دانوستاندن و هه‌ڤكاريێ سه‌ر ب نڤيسينگه‌ها سه‌رۆكێ جڤاتا بلندا ئيسلامى يا عێراقێ،سه‌ره‌دانا په‌رستگه‌ها پيرۆزا لالش كر و ژئاليێ (حازم ته‌حسين به‌گ) جێگرێ ميرێ ئێزديان و سه‌ماحه‌تا(بابێ شێخ)و جڤاتا رۆحانى و(شيخ شامۆ)سه‌رۆكێ ده‌سته‌يا بلندا بنگه‌هێ لالش و(ڤيان ده‌خيل)ئه‌نداما په‌رله‌مانێ عێراقێ و(سه‌عيد قاسم حه‌سون،عه‌مر گه‌بعو،نورى هبابى) نوونه‌رێن هۆز و ئيلێن شنگالێ ڤه هاته پێشوازيكرن.
درونشتنه‌كا ڤه‌كرى دا ب درێژى پرس و دانوستاندن ل سه‌ر ئێزديا و چاوانيا خورتكرنا براتيێ و ب هه‌ڤره ژيان و پاراستنا كێمينا ل عێراقێ ب شێوه‌يه‌كى گشتى و پشتى هاتنا داعش و وێ كاره‌ساتا مه‌زن يا روودايى ل شنگالێ.
