ناديا موراد:داعشێ كۆمكوژيا ب كۆم ل دژى ئێزديان ئه‌نجام دا
ئێزديخان نيوز:
باليۆزا ئاشتيێ(ناديا موراد)دكۆنگرێ نێڤ ده‌وله‌تى ل دژى تاوانا كۆمكوژيا ب كۆم ل ئێريڤانێ پايته‌ختێ ئه‌رمينيا هاته سازدان،په‌يڤه‌ك پێشكێشكروراگه‌هاند،داعشێ كۆمكوژيا ب كۆم ل دژى ئێزديان ئه‌نجام دا و دوو هه‌لبژارتن دانه وان كو مرن يان ئيسلام.
ناديا موراد دراگه‌هاندنه‌كێ دا به‌لاڤكريه و دبێژت:دكۆنگرێ نێڤ ده‌وله‌تى ل دژى تاوانا كۆمكوژيا ب كۆم ل ئێريڤانێ پايته‌ختێ ئه‌رمينيا وێ په‌يڤه‌ك پێشكێشكر كو تێدا گۆت كو داعشێ كۆمكوژيا ب كۆم ل دژى ئێزديان ئه‌نجام دا و دوو هه‌لبژارتن دانه وان كو مرن يان ئيسلام،داعشێ هێرشى ده‌ڤه‌رێن مه كر و ئه‌م دوور پێچكرين ل چيايێ شنگالێ بۆ ماوێ چه‌ند رۆژان هه‌تا ده‌روازه‌يه‌ك ئارام هاتيه ڤه‌كرن،ديسان داعشێ تاوانێن ل دژى مرۆڤايه‌تيێ و تاوانێن كو دبت بنه كۆمكوژى ل دژى مه‌سيحى و شه‌به‌ك و شيعه‌يان ئه‌نجامدان،به‌لێ ئه‌وا ل دژى ئێزديان كرين كۆمكوژيه‌كا رۆن بوو ئارمانجا وێ ئه‌ڤ پێكهاته نه‌مينت ژ هه‌بوونێ،كۆمكوژى هێشتا يا به‌رده‌وامه كو هێش ژن ئێخسيركرينه و زارۆك ل سه‌ربازگه‌هێن مه‌شقدانێ دانه،ديسان ب ئاواره‌بوونا پترى 80%ژ ئێزديان ژده‌ڤه‌رێن خۆ.
هه‌روه‌سا دايه دياركرن كۆمكوژيا ب كۆم ل دژى ئێزدى و مه‌سيحيان ل عێراقێ و سوريا دئێت پشتى چه‌رخه‌كى ژ كۆمكوژيا ئه‌رمه‌ن و ئێزديان،ئه‌ڤه ده‌ستپێكێ وێ چه‌ندێ د ده‌ت مرۆڤايه‌تيێ سه‌رنه‌گرت،دێ ده‌نگێ هه‌ر كۆمكوژييه‌كێ بم و هه‌ر ژنه‌ك و زارۆكه‌كى كو زۆردارى لێ هاتبته كرن ل ده‌ڤه‌رێن ململانێ،دێ ده‌نگێ قوربانيێ بم و دڤێت جيهان باش ڤى ده‌نگى گوه لێ ببتن.
ته‌كه‌زكريه ژى كو ئه‌ڤه ساله‌ك و نيڤ ل سه‌ر پرۆژێ داعشێ يێ جه‌سته‌يى يێ دبۆرت ل دژى ژن و زارۆكێن ئێزديان كو ژماره‌يا وان پترى شه‌ش هه‌زار ژن و زارۆكن،هێشتا پترى 3500ئێخسيركرينه، ئه‌ژى ئێك ژڤان ژنان بووم يێن هاتينه سه‌بيكرن.
