په‌رله‌مانێ بريتانيا برياره‌كا مێژوويى ده‌رباره‌ى جينۆسايدا ئێزديان دا
ئێزديخان نيوز:
په‌رله‌مانێ بريتانيا ل 20ى نيسانێ 2016،درونشتنه‌كا تايبه‌ت دا ئه‌و كريارێن كوشتنێ يێن ئێزدى ل شنگالێ تووشبووينێ كو هاتنه كوشتن و ب هه‌زاران هاتنه گرتن و ديسان مه‌سيحى ژى ل سه‌ر ده‌ستێ رێكخراوا داعش يا تيرۆرستى،ئه‌و تاوانه‌كا كۆمكوژيا ب كۆمه،هه‌روه‌سا ده‌نگ دان ل سه‌ر يا ب كۆم بوو.
ل دووڤ مالپه‌رێ به‌حزانێ نێت به‌لاڤكريه،كو په‌رله‌مانى ل ڤێ رونشتنێ داخواز ژحكوومه‌تا بريتانيا كر كو پتر پێكۆلێن خۆ بێخته كار كو كێشا جينۆسايدێ د ده‌رهه‌قا ڤان هه‌ردوو پێكهاتێن ئێزدى و مه‌سيحى ره‌وانه‌ى جڤاتا ئاسايشا نێڤ ده‌وله‌تى بكه‌ت،دا ئه‌و ب رۆلێ خۆ رابت و ڤێ دۆسێ ره‌وانه‌ى دادگه‌ها تاوانێن نێڤ ده‌وله‌تىiccبكه‌ت وتاوانبار بگه‌هنه سزايێ خۆ يێ عاديلانه،چنكو ئه‌ڤ تاواننه دكه‌فنه دخانه‌يا تاوانێن ل دژى مرۆڤايه‌تى و شه‌رى(جينۆسايد).
ديدارێن ناديا موراد يێن ڤێ داويێ و چيرۆكا وێ و رێكخراوا يه‌زدا لگه‌ل به‌رپرس و په‌رله‌مانتاران و حكوومه‌تا بريتانيا كارتێكرنا خۆيا ب هێز هه‌بوو،كو په‌رله‌مان ده‌نگدانێ ل سه‌ر ڤێ بريارا ديرۆكى و گرنگ دبه‌رژه‌وه‌نديا كێمينه‌يێن عێراقێ وه‌كى ئێزدى و مه‌سيحيان دا بده‌ت.
