شانده‌كى كۆمه‌لا ياساناسێن كورد و ئه‌لمانيا پێكهاتيبوون ژ كۆمه‌كا پارێزه‌رێن كورد و ئه‌وروپى،ئيرۆ شه‌مبوويێ،سه‌ره‌دانا په‌رستگه‌ها پيرۆزا لالش كرن و ژبال چه‌ند كه‌سايه‌تيێن ئێزدى ڤه هاتنه پێشوازيكرن.
شاندێ ناڤبرى ژ بال(شێخ شامۆ)نوونه‌رێ ئێزديان ل په‌رله‌مانێ كوردستانێ و سه‌رۆكێ ده‌سته‌يا بلندا بنگه‌هێ لالش ل دهۆكێ و(پير خدر سلێمان)كه‌سايه‌تى و ئێزديناس و(حسێن قاسم حه‌سون)ئه‌ندامێ لژنا بلند يا جينۆسايد ناساندنا كه‌يسا كاره‌ساتا شنگالێ و(شێخ شه‌عيد باپير)نوونه‌رێ فه‌رماندا شنگال يا له‌شكه‌رى سه‌ر ب پێشمه‌رگه‌هێن كوردستانێ ڤه هاته پێشوازيكرن،درونشتنه‌كا ڤه‌كرى دا ب درێژى پرس و شيور و دانوستاندن ل سه‌ر كه‌يسا كاره‌ساتا شنگالێ هاتن ئه‌نجامدان.
