التخطي إلى المحتوى الرئيسي
بحث هذه المدونة الإلكترونية
ڤيان ده‌خيل:ب ده‌هان كچێن ئێزدى بۆ پارێزگه‌ها ئه‌نبارێ هاتينه ڤه‌گۆهاستن
ئێزديخان نيوز:
(ڤيان ده‌خيل)په‌رله‌مانتارا ئێزدى و ئه‌نداما ئه‌نجوومه‌نێ نوونه‌رێن عێراقێ،بانگه‌وازيه‌كێ ئاراسته‌ى سه‌ركردايه‌تيا فه‌رمانده‌يا ئه‌نبار و سه‌ركردايه‌تيێن هه‌موو پێكهاتێن پشكدار دكه‌ت كچێن ئێزدى يێن هاتينه سه‌بيكرن ژلايێ داعشێ ڤه و بۆ قه‌زا هيت و ناوچه‌يا كه‌بسه هاتينه ڤه‌گۆهاستن رزگار بكه‌ن دگه‌ل ده‌ستپێكرنا ئۆپه‌راسيۆنا ئازادكرنا ڤان ده‌ڤه‌ران.
نڤيسينگه‌ها راگه‌هاندنا په‌رله‌مانتارا ئێزدى بانگه‌وازى به‌لاڤكريه و تێدا هاتيه:دگه‌ل ده‌ستپێكرنا ئۆپه‌راسيۆنێن رزگاركرنا قه‌زا هيت و ناوچه‌يا كه‌بيسه و ژماره‌يه‌كا گوندێن ده‌وروبه‌رێن وان،بانگه‌وازيه‌كێ ئاراسته‌ى سه‌ركردايه‌تيا فه‌رمانده‌يا ئه‌نبار و سه‌ركردايه‌تيێن هه‌موو پێكهاتێن پشكدار دكه‌م يێن دڤێ ئۆپه‌راسيۆنێ دا كو ته‌كه‌زێ ل رزگاركرنا ب ده‌هان سه‌بايێن ئێزدى بكه‌ن كو رێكخراوا داعش يا تيرۆرستى سه‌بيكرن و ڤه‌گۆهاستن بۆ ڤان ده‌ڤه‌ران و فرۆتنه لايه‌نگرێن خۆ.
ل دووڤ ژێده‌رێن مه يێن تايبه‌ت،نێزيكێن رێكخراوا تيرۆرستى ل ئێك ژ رۆژێن ئينيا ل سالا بۆرى و ب رێيا مالپه‌رێن تۆرێن جڤاكى راگه‌هاندبوون،دۆرين 100كچێن ئێزدى يێن خه‌لكێ شنگالێ پێشكێشكرن بۆ فرۆتنێ ل بازارێن باژارێ قائيم ل ئه‌نبارێ.
دووپاتێ دكه‌ين ئه‌م به‌رهه‌ڤين بۆ هه‌ماهه‌نگيێ دگه‌ل سه‌ركردايه‌تيا فه‌رمانده‌يا ئه‌نبار و سه‌ركردايه‌تيێن پێكهاتێن دى يێن له‌شكه‌رى،ب ئارمانجا ڤه‌گۆهاستنا سه‌بايێن ئێزدى پشتى رزگاركرنا وان بۆ هه‌رێما كوردستانێ كو ب زووترين وه‌خت راده‌ستى كه‌س و كارێن وان بكه‌ين.
