التخطي إلى المحتوى الرئيسي
بحث هذه المدونة الإلكترونية
ل رۆژا جيهانى يا ئافره‌تێ رێكخراوا داك داخوازى هه‌ينه
ئێزديخان نيوز:
ب هه‌لكه‌فتا رۆژا جيهانى يا ئافره‌تێ،رێكخراوا داك بۆ گه‌شه‌پێدانا ژنا ئێزدى داخوازێ ژ جڤاكێ نێڤ ده‌وله‌تى و رێكخراوێن نێڤ ده‌وله‌تى يێن مافێ ئافره‌تێ دكه‌ت فشارێ ل جهێن شۆله‌ژێ بكه‌ن، ژبۆ رزگاركرنا ره‌ڤانديێن ئێزدى.
(سوزان سه‌فه‌ر)به‌رپرسا رێكخراوا داك بۆ گه‌شه‌پێدانا ژنا ئێزدى بۆ مالپه‌رێ ئێزديخان نيوز دياركر،ل رۆژا جيهانى يا ئافره‌تێ هيڤيدارم ئه‌ڤ رۆژ ل هه‌موو جيهانێ بێته ساخكرن و ژنێن ئێزديان ژبير نه‌كه‌ن يێن تووشى ره‌ڤاندنێ و ده‌ست درێژيێ بووين،داخوازێ ژ هه‌موو ژنان دكه‌ين پێكڤه ب سه‌كنن ژبۆ پشته‌ڤانيكرنا كێشا ره‌ڤانديێن ئێزدى و به‌ره‌ڤانيێ بكه‌ن ژ پێخه‌مه‌ت نه‌هێلانا تووندوتيژيێ ل دژى وێ.
گۆتژى وه‌ك رێكخراو دێ مه چالاكيێن هه‌مه‌جۆر هه‌بن ل ده‌ڤه‌رێن شاريا و باعه‌درێ و خانكێ.
به‌رپرسا رێكخراوا داك خوياكرژى داخوازێ ژ جڤاكێ نێڤ ده‌وله‌تى و رێكخراوێن نێڤ ده‌وله‌تى يێن مافێ ئافره‌تێ دكه‌م لگه‌ل ژنا ئێزدى ب سه‌كنن و فشارێ ل جهێن شۆله‌ژێ بكه‌ن، ژبۆ رزگاركرنا ره‌ڤانديێن ئێزدى،ديسان ئه‌وا ژنا ئێزدى تووشبوويێ خاله‌كه ره‌شه ل روو ره‌شيا مرۆڤايه‌تيێ.
رۆژا جيهانى يا ئافره‌تێ دكه‌فته 8ى ئادارێ و ل سه‌رانسه‌رى جيهانێ و هه‌رێما كوردستانێ هه‌ر سال ب چه‌ندين چالاكيان دئێته ساخكرن.
